കോട്ടയം : മെഡിക്കല്‍ കോളജ് ആശുപത്രിയിലെ പാര്‍ക്കിംഗ് ഗ്രൗണ്ടില്‍ പോലീസ് ഉദ്യോഗസ്ഥനെ ആക്രമിച്ച പ്രതി പിടിയില്‍. ചങ്ങനാശേരി പെരുന്ന വലിയഭാഗത്ത് മുഹമ്മദ് റാഫി (52) യെയാണ് പോലീസ് അറസ്റ്റ് ചെയ്തത്. ഗാന്ധിനഗര്‍ പൊലീസ് ആണ് പ്രതിയെ അറസ്റ്റു ചെയ്തത്. മെഡിക്കല്‍ കോളജ് ആശുപത്രിയിലെ പാര്‍ക്കിംഗ് ഗ്രൗണ്ടില്‍ വാഹനം റിവേഴ്സ് എടുക്കുന്നതിനിടയില്‍ സമീപത്തെ വാഹനത്തില്‍ തട്ടിയതിനെത്തുടര്‍ന്നുണ്ടായ തര്‍ക്കം പരിഹരിക്കാനെത്തിയതായിരുന്നു പോലീസ് ഉദ്യോഗസ്ഥന്‍. ഈ പോലീസ് ഉദ്യോഗസ്ഥനെയാണ് പ്രതി ആക്രമിച്ചത്. പ്രതിയെ കോടതിയില്‍ ഹാജരാക്കി.
