കോട്ടയം : കൊവിഡ് സന്നദ്ധ പ്രവര്ത്തനം മറയാക്കി ഈരാറ്റുപേട്ടയില് യുവാക്കളുടെ വ്യാജമദ്യ വില്പ്പന. തമിഴ്നാട്ടില് നിന്ന് കടത്തിയ 20 ലിറ്റര് മദ്യവും പത്ത് ലക്ഷം രൂപയുടെ പുകയില ഉല്പ്പനങ്ങളും എക്സൈസ് പിടികൂടി. ഈരാറ്റുപേട്ട സർവ്വീസ് സഹകരണ ബാങ്ക് ജീവനക്കാരനായ ആസിഫ്, നടയ്ക്കൽ ഫർണിച്ചർ മാർട്ട് നടത്തി വരുന്ന പരീകൊച്ച് കുട്ടി എന്ന് വിളിക്കുന്ന ഷിയാസ് എന്നിവരാണ് കൊവിഡ് ചാരിറ്റിയുടെ പേരില് വമ്പൻ വ്യാജമദ്യ വില്പ്പന നടത്തിയത്.
