അയോധ്യ : യു.പിയില് വ്യാജ മാര്ക്ക്ഷീറ്റ് കേസില് ശിക്ഷിക്കപ്പെട്ടതിന് പിന്നാലെ ബി.ജെ.പി എം.എല്.എയെ അയോഗ്യനാക്കി. ഇന്ദ്രപ്രതാപ് എന്ന ഖാബു തിവാരിയേയാണ് അയോഗ്യനാക്കിയത്. കഴിഞ്ഞ ദിവസം കോളേജില് വ്യാജ സര്ട്ടിഫിക്കറ്റുണ്ടാക്കി പ്രവേശനം നേടിയെന്ന കേസില് ഇയാളെ ശിക്ഷിച്ചിരുന്നു. അഞ്ച് വര്ഷത്തെ തടവ് ശിക്ഷയാണ് പ്രത്യേക കോടതി ഇയാള്ക്ക് നല്കിയത്. ഖാബു തിവാരിയെ പുറത്താക്കിയെന്ന വിവരം യു.പി നിയമസഭ പ്രിന്സിപ്പല് സെക്രട്ടറിയാണ് അറിയിച്ചത്.
2017ലാണ് തിവാരി യു.പി എം.എല്.എയായി തെരഞ്ഞെടുക്കപ്പെട്ടത്. പ്രത്യേക കോടതി ജഡ്ജി പൂജ സിങ്ങാണ് തിവാരിക്കെതിരായ നിര്ണായക വിധി പുറപ്പെടുവിച്ചത്. തിവാരിക്ക് 8000 രൂപ പിഴ വിധിക്കുകയും ചെയ്തു. 1992ലാണ് തിവാരിക്കെതിരായ പരാതി സാകേത് ഡിഗ്രി കോളേജ് പ്രിന്സിപ്പല് റാം ത്രിപാഠി നല്കുന്നത്. വ്യാജ സര്ട്ടിഫിക്കറ്റുകളുണ്ടാക്കി കോളേജില് അഡ്മിഷന് നേടിയെന്നായിരുന്നു പരാതി.
