ദില്ലി: മെഡലുകള് ഗംഗയിലൊഴുക്കാനുള്ള തീരുമാനവുമായി ഹരിദ്വാറില് എത്തിയ ഗുസ്തി താരങ്ങളെ അനുനയിപ്പിക്കാന് കര്ഷക നേതാക്കളെത്തി. ബി കെ യു അധ്യക്ഷന് നരേഷ് ടിക്കായ്ത്ത് ഉള്പ്പെടെയുള്ളവരാണ് ഹരിദ്വാറിലെത്തി താരങ്ങളെ ആശ്വസിപ്പിച്ച്, അനുനയിപ്പിച്ചത്. ഗുസ്തി താരങ്ങളുമായി സംസാരിച്ച് കര്ഷക നേതാക്കള് മെഡലുകള് തിരികെ വാങ്ങി.പൊട്ടിക്കരഞ്ഞുകൊണ്ടാണ് ഗുസ്തി താരങ്ങള് ഇവരോട് പ്രതികരിച്ചത്.
ഒപ്പമുണ്ടെന്ന് കര്ഷക നേതാക്കള് നല്കിയ ഉറപ്പിനെ തുടര്ന്ന് മെഡല് ഗംഗയിലൊഴുക്കാനുള്ള തീരുമാനത്തില് നിന്ന് താരങ്ങള് താത്ക്കാലികമായി പിന്തിരിഞ്ഞു. ലൈംഗികാതിക്രമം നടത്തിയ ഗുസ്തി ഫെഡറേഷന് അധ്യക്ഷനും ബി.ജെ.പി എം.പിയുമായ ബ്രിജ് ഭൂഷണിനെ അറസ്റ്റ് ചെയ്യണമെന്നാവശ്യപ്പെട്ടുള്ള സമരത്തെ കേന്ദ്ര സര്ക്കാര് അടിച്ചമര്ത്തുന്ന പശ്ചാത്തലത്തിലാണ് ഗുസ്തി താരങ്ങള് പ്രതിഷേധം കടുപ്പിച്ചത്.
