ലക്‌നൗ : ഉത്തര്‍ പ്രദേശില്‍ കര്‍ഷക പ്രതിഷേധത്തിനിടെ എട്ടുപേര്‍ മരിച്ച സംഭവത്തില്‍ രാജ്യവ്യാപക സമരത്തിന് ആഹ്വാനം ചെയ്ത് കര്‍ഷക സംഘടനകള്‍. കേന്ദ്ര ആഭ്യന്തര സഹമന്ത്രി അജയ് കുമാര്‍ മിശ്ര രാജിവയ്ക്കണമെന്ന് ആവശ്യപ്പെട്ട് ഇന്ന് കര്‍ഷകര്‍ രാജ്യവ്യാപക പ്രതിഷേധം നടത്തും.
വാഹനമോടിച്ചെന്ന് കര്‍ഷകര്‍ ആരോപിക്കുന്ന കേന്ദ്രമന്ത്രിയുടെ മകന്‍ ആഷിഷ് മിശ്രക്കെതിരെ കൊലക്കുറ്റത്തിന് കേസെടുക്കണം, കേന്ദ്രമന്ത്രി അജയ് മിശ്രയെ പുറത്താക്കണം എന്നാവശ്യപ്പെട്ട് ഉച്ചയ്ക്ക് 12 മുതല്‍ ഒന്നുവരെ രാജ്യത്തെ എല്ലാ കളക്ടറെറ്റുകളും കര്‍ഷകര്‍ ഉപരോധിക്കും. വിഷയത്തില്‍ സുപ്രീം കോടതി മേല്‍നോട്ടത്തില്‍ ജുഡീഷല്‍ അന്വേഷണം വേണമെന്നും കര്‍ഷകര്‍ ആവശ്യപ്പെടുന്നു.
