രുചിയില്‍ കേമന്‍ കടച്ചക്ക ; കടച്ചക്ക കൃഷിയെ കുറിച്ചറിയാം

ഉഷ്ണ മേഖലാ പ്രദേശങ്ങളിൽ വ്യാപകമായി വളരുന്ന ഒരു ചെടിയാണ് കടച്ചക്ക ഇതിനെ Breadfruit എന്നും പറയുന്നു. ചക്ക, അത്തിപ്പഴം, മൾഹറി തുടങ്ങിയ ഉഷ്ണ മേഖലാ പഴങ്ങളുമായി ഇതിന് ബന്ധമുണ്ട്. ഹിന്ദിയിൽ ബക്രി ചജാർ, തെലുങ്കിൽ സീമ പനസ, മറാത്തിയിൽ നിർഫനസ്, തമിഴിൽ ഇർപ്ല, മലയാളത്തിൽ കട ചക്ക, കന്നഡയിൽ ഗുജ്ജെകൈ എന്നിങ്ങനെ നിരവധി പ്രാദേശിക പേരുകളിലാണ് കടച്ചക്ക അറിയപ്പെടുന്നത്. അന്നജം അടങ്ങിയ പ്രധാന ഭക്ഷണമാണ് കടച്ചക്ക. ചൂടുള്ള ഈർപ്പമുള്ള ഉഷ്ണമേഖലാ സാഹചര്യങ്ങളിൽ കടച്ചക്ക നന്നായി വളരുന്നു അത്കൊണ്ട് തന്നെ ഈ കാലാവസ്ഥയാണ് കൃഷിക്ക് നല്ലത്. 20°C മുതൽ 33°C വരെ താപനിലയിൽ 150 സെന്റീമീറ്റർ മുതൽ 250 സെന്റീമീറ്റർ വരെ വാർഷിക മഴ കൃഷിക്ക് ആവശ്യമാണ്. പ്രാരംഭ ഘട്ടത്തിൽ, ഭാഗിക ഷേഡിംഗ് ഉള്ളത് കടച്ചക്ക വേഗത്തിൽ വളരാൻ സഹായിക്കുന്നു, പിന്നീടുള്ള ഘട്ടങ്ങളിൽ പൂർണ്ണ സൂര്യപ്രകാശത്തിൽ അവ നന്നായി വളരുന്നു. നല്ല നീർവാർച്ചയുള്ള ആഴമേറിയ മണ്ണിൽ ഇവ നന്നായി വളരുന്നു.

കടച്ചക്ക കൃഷിയിൽ എങ്ങനെ നിലമൊരുക്കാം?
രണ്ട് ഉഴവുകൾ നൽകി നിലം ഒരുക്കുക. മുൻകാല വിളകളുടെ കളകളില്ലാത്തതായിരിക്കണം. മണ്ണിന്റെ ഫലഭൂയിഷ്ഠത വർദ്ധിപ്പിക്കുന്നതിന്, നിലം ഒരുക്കുമ്പോൾ കൃഷി സ്ഥലത്ത് നന്നായി അഴുകിയ ഏതെങ്കിലും വളം ചേർക്കാവുന്നതാണ്. കാലിവളമോ കമ്പോസ്റ്റോ ഇതിൽ ചേർത്ത് കൊടുക്കാം.

കൃഷിയിലെ പ്രചരണം
കടച്ചക്കയ്ക്ക് വിത്തുകളില്ലാത്തത് കൊണ്ട് തണ്ട് നട്ടിട്ടാണ് ഇത് വളർത്തുന്നത്, അല്ലെങ്കിൽ വേരിൽ നിന്ന് പൊട്ടി വരുന്ന തൈകളും ഇതിന് ഉപയോഗിക്കാവുന്നതാണ്. അല്ലെങ്കിൽ ഗ്രാഫ്റ്റ് ചെയ്തെടുത്ത തൈകളും ഇതിന് ഉപയോഗിക്കാം.

സമയം
ജൂൺ മുതൽ ഡിസംബർ വരെയാണ് കടച്ചക്ക നടുന്നതിനുള്ള ഏറ്റവും നല്ല സമയം. 60x60x60 സെന്റീമീറ്റർ വലിപ്പമുള്ള കുഴികൾ 10 മുതൽ 12 മീറ്റർ വരെ അകലത്തിൽ കുഴിക്കണം. ഒരു മരത്തിന് 25 കി.ഗ്രാം എന്ന തോതിൽ ഓരോ മരത്തിലും ജൈവവളങ്ങൾ നൽകാം. കടച്ചക്ക കൃഷിയിൽ പ്രത്യേക വളങ്ങളൊന്നും ശുപാർശ ചെയ്യുന്നില്ല. എന്നിരുന്നാലും, ചെടിയുടെ പ്രായത്തെ അടിസ്ഥാനമാക്കി, N:P:K 7:10:5 എന്ന അനുപാതത്തിൽ 1 – 2 കി.ഗ്രാം / ചെടിക്ക് നൽകാം.

പരിചരണവും ജലസേചനവും
നടീലിനു ശേഷം ഉടൻ തന്നെ ജലസേചനം നൽകണം, ജലസേചനത്തിന്റെ ആവൃത്തി മണ്ണിന്റെ ഈർപ്പം നിലനിർത്താനുള്ള ശേഷിയെയും കാലാവസ്ഥയെയും ആശ്രയിച്ചിരിക്കുന്നു. ചൂടുള്ള വരണ്ട വേനൽക്കാലത്ത്, ഇടയ്ക്കിടെ ജലസേചനം ആവശ്യമാണ്. കനത്ത മഴയുണ്ടെങ്കിൽ, മണ്ണിൽ നിന്നുള്ള വെള്ളം വളരെ വേഗത്തിൽ വറ്റിപ്പോകുന്നുവെന്ന് ഉറപ്പാക്കുക. മഴക്കാലത്ത് കായ്കൾ ചീഞ്ഞളിഞ്ഞ രോഗം തടയുന്നതിന്, ബോർഡോ മിശ്രിതം തളിക്കാവുന്നതാണ്.

വിളവെടുപ്പ്
മണ്ണ്, കൃഷി അല്ലെങ്കിൽ നടീൽ വസ്തുക്കൾ എന്നിവയെ ആശ്രയിച്ച്, ഈ മരങ്ങൾ നട്ട് 3 മുതൽ 6 വർഷത്തിനുള്ളിൽ ഫലം കായ്ക്കുന്നതിന് സാധ്യതയുണ്ട്. സാധാരണയായി കടച്ചക്കയുടെ പൂക്കൾ വിരിഞ്ഞ് 2 മുതൽ 3 മാസം വരെ വിളവെടുക്കുന്നു. അരിവാൾ ഉപയോഗിച്ചോ കൈകൊണ്ടോ വിളവെടുപ്പ് നടത്താവുന്നതാണ്.

കടച്ചക്കയുടെ ഗുണങ്ങൾ
ധാരാളമായി പോഷകങ്ങൾ അടങ്ങിയിരിക്കുന്ന ഫലമാണ് കടച്ചക്ക. ധാരാളമായി നാരുകൾ അടങ്ങിയിരിക്കുന്നു. കൊളസ്‌ട്രോളിന്റെ അളവ് കുറയ്ക്കുന്നതിനും ചർമ്മത്തിന്റെയും മുടിയുടെയും ആരോഗ്യം വർദ്ധിപ്പിക്കുന്നതിനും വിലപ്പെട്ടതാണ്. ഇവ കൂടാതെ, വിറ്റാമിൻ സി, ബി 1, ബി 5 എന്നിവയും പൊട്ടാസ്യം, കോപ്പർ എന്നീ ധാതുക്കളും അടങ്ങിയിട്ടുണ്ട്, പ്രതിരോധശേഷി ശക്തിപ്പെടുത്തുന്നതിനും അണുബാധകൾ തടയുന്നതിനും സഹായിക്കുന്നു.