പെരുമ്പെട്ടി : വാക്കു തർക്കത്തിനിടെ യുവാവിനെ അരിവാളുകൊണ്ട് തലയ്ക്കു വെട്ടി കൊലപ്പെടുത്താൻ ശ്രമിച്ച കേസിൽ അച്ഛനെയും മകനെയും പെരുമ്പെട്ടി പോലീസ് അറസ്റ്റ് ചെയ്തു. ചുങ്കപ്പാറ കോട്ടാങ്ങൽ കൊല്ലനോലിൽ തടത്തിൽ വീട്ടിൽ നൗഷാദ് കെ.എ (53), നൗഷാദിന്റെ പിതാവായ അബ്ദുൾ റഹ്മാൻ (85) എന്നിവരാണ് അറസ്റ്റിലായത്. മെയ് 18 തിങ്കളാഴ്ച വൈകുന്നേരത്തോടെയാണ് സംഭവം ഉണ്ടായത്. പെരുമ്പെട്ടി സ്വദേശിയായ ആദിത്യൻ എന്ന യുവാവിനെയാണ് വാക്കു തർക്കത്തിനിടെ ഇരുവരും ചേർന്ന് വെട്ടി കൊലപ്പെടുത്താൻ ശ്രമിച്ചത്. പെരുമ്പെട്ടി പോലീസ് സ്റ്റേഷനിലെ എസ്.ഐ മാരായ ഷിജു, ഉണ്ണികൃഷ്ണൻ, എ.എസ്.ഐ ഷെറീന, സി.പി.ഓ മാരായ രതീഷ്, രാഹുൽ, നൗഫൽ, അഭിജിത്ത് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. പ്രതികളുടെ കയ്യിൽ നിന്നും ആക്രമണത്തിന് ഉപയോഗിച്ച അരിവാളും കണ്ടെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
