കോന്നി : ഓട്ടോയും കാറും കൂട്ടിയിടിച്ച് അച്ഛനും മകനും പരിക്കേറ്റു. അട്ടച്ചാക്കൽ സ്വദേശി പ്രസന്നൻ, മകൻ കോന്നി കെ.എസ്.ഇ.ബി ഓവർസിയർ പ്രിജിത് എന്നിവർക്കാണ് പരിക്കേറ്റത്. അട്ടച്ചാക്കൽ ജംഗ്ഷന് സമീപം ഉച്ചയോടെ ആയിരുന്നു അപകടം നടന്നത്. കുമ്പഴ ഭാഗത്ത് നിന്നും കോന്നിയിലേക്ക് വന്ന അടൂർ സ്വദേശി സഞ്ചരിച്ച കാർ ഇവർ സഞ്ചരിച്ച ഓട്ടോയിൽ ഇടിക്കുകയായിരുന്നു. ഇടതു ഭാഗത്ത് നിർത്തിയിട്ടിരുന്ന ഓട്ടോ റിക്ഷയിൽ എതിരെ വന്ന കാർ നിയന്ത്രണം വിട്ട് ഇടിക്കുകയായിരുന്നു എന്ന് ദൃക്സാക്ഷികൾ പറയുന്നു. ഇടിയുടെ ആഘാതത്തിൽ ഓട്ടോ തല കീഴായി മറിയുകയും കാർ അൻപത് മീറ്ററിൽ അധികം റോഡിലൂടെ നിരങ്ങി നീങ്ങുകയും ചെയ്തു. പരിക്കേറ്റ ഇരുവരെയും കോന്നി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
