കോഴിക്കോട് : എ.എന് ഷംസീറിനെ നിയമസഭ സ്പീക്കറാക്കാനുള്ള സി.പി.എം തീരുമാനത്തെ പരിഹസിച്ച് എം.എസ്.എഫ് മുന് ദേശീയ വൈസ് പ്രസിഡന്റ് ഫാത്തിമ തഹ്ലിയ. ‘ക്ലാസില് ഏറ്റവും കച്ചറ കളിക്കുന്ന ആളെ പിടിച്ചു ക്ലാസ് ലീഡറാക്കുന്ന അതേ തന്ത്രമാണ് നിയമസഭയിലും സി.പി.എം പയറ്റിയത്. നിയുക്ത സ്പീക്കര് എ.എന് ഷംസീറിന് അഭിനന്ദനങ്ങള്!’ – ഫാത്തിമ തഹ്ലിയ ഫേസ്ബുക് പോസ്റ്റില് പറഞ്ഞു.
തലശ്ശേരി എം.എല്.എയായ എ.എന് ഷംസീറിനെ സ്പീക്കര് സ്ഥാനത്തേക്ക് കൊണ്ടുവരാന് സി.പി.എം സംസ്ഥാന സെക്രട്ടറിയേറ്റ് തീരുമാനിക്കുകയായിരുന്നു. നിലവിലെ സ്പീക്കര് എം.ബി രാജേഷിനെ, എം.വി ഗോവിന്ദന് പകരം മന്ത്രിയാക്കും. സ്പീക്കര് സ്ഥാനത്ത് ഉത്തരവാദിത്തം നിര്വഹിക്കാന് സാധിക്കുമെന്ന് കരുതുന്നുവെന്നാണ് എ.എന് ഷംസീര് പ്രതികരിച്ചത്. സ്പീക്കര് സംസാരിക്കാന് സാധിക്കാത്ത ആളാണ്. പദവിയില് ഉത്തരവാദിത്തം നിര്വഹിക്കും. പാര്ട്ടി ഏല്പിച്ച ചുമതലയാണ്. സ്പീക്കര് നടത്തുന്നതും രാഷ്ട്രീയ പ്രവര്ത്തനമാണെന്നും ഷംസീര് പറഞ്ഞു.
