ആലപ്പുഴ : തണ്ടപ്ര പാടശേഖരത്തില് മട വീണു. മടവീഴ്ചയില് 400 ഏക്കര് നെല്കൃഷി നശിച്ചു. ചെറുതന തേവേരി തണ്ടപ്ര പാടത്താണ് മടവീഴ്ചയുണ്ടായത്. ലോവര്, അപ്പര് കുട്ടനാട് ഭാഗത്തെ നെല്കൃഷി വന് പ്രതിന്ധിയിലാണ്. വെച്ചൂരില് കൊയ്യാറായ 1500 ഏക്കര് നെല്കൃഷി നശിച്ചു. 3200 ഏക്കര് നെല്കൃഷി വെള്ളക്കെട്ട് ഭീഷണിയിലാണ്. ആലപ്പുഴയില് വിതയ്ക്കാന് ഒരുക്കിയ നൂറിലധികം ഏക്കര് പാടം നശിച്ചു.
അതിനിടെ, കേരളത്തില് ഇന്നും നാളെയും മഴ ശക്തമാകുമെന്ന് കാലാവസ്ഥാ വകുപ്പ് അറിയിച്ചു. 11 ജില്ലകളില് ഓറഞ്ച് അലര്ട്ടും കൊല്ലം, ആലപ്പുഴ, കാസര്കോട് ജില്ലകളില് യെലോ അലര്ട്ട് പ്രഖ്യാപിച്ചു. നാളെ 12 ജില്ലകളില് ഓറഞ്ച് അലര്ട്ടാണ്. കിഴക്കന് കാറ്റിന്റെ സ്വാധീനത്തിലാണ് മഴ കനക്കുക. അതീവ ജാഗ്രത പുലര്ത്താന് സര്ക്കാര് വിവിധ വകുപ്പുകളോടും സേനാ വിഭാഗങ്ങളോടും നിര്ദേശിച്ചു.
