തൃശൂര് : സാമ്പത്തിക പ്രതിസന്ധിയെ തുടര്ന്ന് തൃശ്ശൂരില് ഒരു കുടുംബത്തിലെ നാല് പേര് മരിച്ച നിലയില്. കൊടുങ്ങല്ലൂര് ഉഴവത്ത് ആണ് സംഭവം. അച്ഛനും അമ്മയും രണ്ടു മക്കളുമാണ് മരിച്ചത്. സോഫ്റ്റ്വെയര് എന്ജിനീയര് ആഷിഫ് (40), ഭാര്യ അസീറ (34), മക്കളായ അസറ ഫാത്തിമ (13), അനോനീസ (8) എന്നിവരാണ് മരിച്ചത്. ആത്മഹത്യ ആണെന്നാണ് പോലീസ് നിഗമനം. വിഷവായു വീടിനകത്ത് നിറച്ച് ആണ് ആത്മഹ്യത ചെയ്തിരിക്കുന്നതെന്നാണ് പ്രാഥമിക നിഗമനം. കാര്ബണ് മോണോക്സൈഡിന്റെ സാന്നിധ്യം വീടിനകത്ത് തിരിച്ചറിഞ്ഞിട്ടുണ്ട്. ടേപ്പ് വച്ച് വീടിന്റെ ജനലുകള് ഒട്ടിച്ചിരുന്നു. ആത്മഹത്യാക്കുറിപ്പും കണ്ടെത്തിയിട്ടുണ്ട്.
