കോന്നി : കോന്നിയില് ഫ്ലാറ്റിലെ മുറിയില് തീ പടര്ന്ന് പിടിച്ച് മുറിക്കുള്ളിലെ സാധനങ്ങള് കത്തിനശിച്ചു. ഇന്ന് ഉച്ചയ്ക്ക് രണ്ടരയോടെയായിരുന്നു സംഭവം. കോന്നി ഫെഡറല് ബാങ്കിന് എതിര്വശത്തായി പ്രവര്ത്തിക്കുന്ന പ്രീമിയര് ബില്ഡിംഗിലാണ് തീപിടുത്തമുണ്ടായത്. കെ.എസ്.ആർ.ടി.സി കോന്നി ഡിപ്പോയിലെ ഡ്രൈവറായ താമരശ്ശേരി വീട്ടിൽ രാജേഷ് താമസിച്ചിരുന്ന മുറിയിലാണ് തീ പിടിച്ചത്. മുറിക്കുള്ളിലെ മേശയും തുണികളും ഉള്പ്പെടെ അഗ്നിക്കിരയായി. കഴിഞ്ഞ 11 വർഷമായി ഈ ഫ്ലാറ്റിൽ ഒറ്റയ്ക്ക് താമസിക്കുകയായിരുന്ന രാജേഷ് സംഭവം നടക്കുമ്പോൾ ഡ്യൂട്ടിയിലായിരുന്നു. റ്റി.വിയില് നിന്നുണ്ടായ ഷോര്ട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. കോന്നിയില് നിന്നും ഫയര് ഫോഴ്സ് എത്തി തീ അണച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
