സൂറത്ത് : ഗുജറാത്തിലെ സൂറത്തില്‍ ഒഎന്‍ജിസി പ്ലാന്റില്‍ വന്‍ തീപിടിത്തം. വ്യാഴാഴ്ച പുലര്‍ച്ചെയാണ് തീപിടിത്തമുണ്ടായത്. ഒന്നിലധികം പൊട്ടിത്തെറിയുണ്ടായതായും പറയപ്പെടുന്നു.
അതേസമയം തീപിടിത്തത്തില്‍ ആളപായമൊന്നും റിപ്പോര്‍ട്ട് ചെയ്യപ്പെട്ടിട്ടില്ല. പല പൊട്ടിത്തെറികള്‍ ഉണ്ടായതിനാല്‍ വന്‍തീപിടിത്തത്തിലേക്ക് നയിച്ചുവെന്നും ഉദ്യോഗസ്ഥര്‍ പറഞ്ഞു. തീ അണയ്ക്കാനുള്ള ശ്രമം നടക്കുകയാണ്. എന്നാല്‍ പൊട്ടിത്തെറിയുടെ കാരണം ഇതുവരെ കണ്ടെത്താനായിട്ടില്ല.
