ഇലന്തൂര്‍ : ഗ്യാസ് ഏജന്‍സിക്കു സമീപം തോട്ടത്തില്‍ തീപിടുത്തം. പൂക്കോട് മണ്ണൂപ്പാട്ടുപടി അമൃതാ ഗ്യാസ് ഏജന്‍സിയുടെ അടുത്തുള്ള കോലിഞ്ചി തോട്ടത്തില്‍ ഉണങ്ങിയ കാട് കത്തിക്കുന്നതിനിടയില്‍ വന്‍ തീ പിടുത്തം. പത്തനംതിട്ട അഗ്‌നിരക്ഷാ നിലയത്തില്‍ നിന്നുള്ള 2 ഫയര്‍ ഫോഴ്സ് യൂണിറ്റ് എത്തിയാണ് തീ അണച്ചത്. ഫയര്‍ ഫോഴ്സിനെ സഹായിക്കാന്‍ സിവില്‍ ഡിഫന്‍സും നാട്ടുകാരും സഹകരിച്ചതോടെ അഗ്നിബാധയെ തുടര്‍ന്ന് അനിഷ്ട സംഭവങ്ങള്‍ ഉണ്ടായില്ല.
