കോഴഞ്ചേരി: കോഴഞ്ചേരി കോളപ്രയിൽ വീടിനു തീ പിടിച്ചു വന് നാശനഷ്ടം നേരിട്ടു. കഴിഞ്ഞ ദിവസം പകലായിരുന്നു സംഭവം. കോഴഞ്ചേരി കോളപ്ര ശ്രീവത്സം വീട്ടിൽ രാജീവ് കുമാറിന്റെ വീടിനാണ് തീ പിടിച്ചത്. വീടിനുള്ളിലെ ഫർണീച്ചറുകളും വീട്ടുപകരണങ്ങളും ഭിത്തിയിൽ പാകിയിരുന്ന വാൾ പാനലുകൾ ഉൾപ്പെടെയുള്ള സാധനങ്ങള്ക്ക് നാശം സംഭവിച്ചു. പതിനഞ്ചു ലക്ഷത്തിലധികം രൂപയുടെ നാശനഷ്ടങ്ങൾ സംഭവിച്ചതായി വീട്ടുടമ പറഞ്ഞു. പത്തനംതിട്ടയിൽ നിന്നും അഗ്നിശമന സേനയുടെ രണ്ട് യൂണിറ്റ് സേനാംഗങ്ങൾ എത്തി വളരെ പണിപ്പെട്ടാണ് തീയണച്ചത്.
