കൊച്ചി : കളമശ്ശേരിയില് വന് തീപിടുത്തം. ഗ്രീന് ലീഫ് എന്ന കമ്പനിയിലാണ് തീപിടുത്തമുണ്ടായത്. രാവിലെ 6.30 ഓടെയാണ് കിന്ഫ്ര വ്യവസായ പാര്ക്കിനകത്ത് പ്രവര്ത്തിക്കുന്ന സുഗന്ധ ദ്രവ്യങ്ങള് നിര്മിക്കുന്ന കമ്പനിയായ ഗ്രീന് ലീഫില് തിപിടിത്തമുണ്ടായത്. കൊച്ചി നഗരത്തിലെ വിവിധ യൂണിറ്റ് ഫയര്ഫോഴ്സുകള് ചേര്ന്ന് തീയണക്കാന് ശ്രമിക്കുകയാണ്.
സംഭവത്തില് ആളപായമില്ലെന്നാണ് റിപ്പോര്ട്ട്. തീപിടുത്തം ഉണ്ടാവുമ്പോള് ഇവിടെ ജോലിക്കാരുണ്ടായിരുന്നു എങ്കിലും ഇവരെയൊക്കെ സുരക്ഷിതമായി മാറ്റി. തീപിടുത്തതിന്റെ കാരണം വ്യക്തമല്ല. കിന്ഫ്രയിലെ കമ്പനി ആയതിനാല് അടുത്ത് തന്നെ നിരവധി കമ്പനികള് പ്രവര്ത്തിക്കുന്നുണ്ട്. അതുകൊണ്ട് തന്നെ തീപടരാനുള്ള സാധ്യതയുണ്ട്.
