മലപ്പുറം : നിയമസഭ തെരഞ്ഞെടുപ്പില് ശക്തമായ മത്സരം നടക്കുന്ന മണ്ഡലമാണ് തവനൂര്. എല്ഡിഎഫ് സ്ഥാനാര്ഥിയായ മന്ത്രി കെ.ടി. ജലീലും യുഡിഎഫ് സ്ഥാനാര്ഥിയായ ചാരിറ്റി പ്രവര്ത്തകന് ഫിറോസ് കുന്നംപറമ്പിലും തമ്മിലാണ് പ്രധാന പോരാട്ടം. മന്ത്രി കെ.ടി.ജലീലിന്റെ പ്രചാരണത്തിനിടെ ഒരു കുട്ടി ഫിറോസിക്ക വരില്ലേ എന്ന് ചോദിക്കുന്ന വീഡിയോ വൈറലായിരുന്നു. ഇതിന് പിന്നാലെ ആ കുട്ടിയെ കാണാനെത്തി ഫിറോസ് കുന്നംപറമ്പില്.
കെ.ടി.ജലീല് ഇവിടെ പ്രചാരണത്തിനെത്തിയപ്പോള് കൈയിലെടുത്ത കുട്ടി ഫിറോസിക്ക വരില്ലേ എന്ന് ചോദിച്ചിരുന്നു. ഇത് നമ്മുടെ സ്ഥാനാര്ഥിയാണെന്ന് സമീപത്തുള്ളയാള് പറയുന്നതും എന്നാല് കുട്ടി വീണ്ടും ഫിറോസിക്ക വരില്ലേ എന്ന് ചോദിക്കുന്നതും വീഡിയോയില് കാണാം. ഒടുവില് വരും വരും എന്ന് മറുപടി നല്കിയാണ് മന്ത്രി കുട്ടിയുടെ അടുത്തുനിന്നും പോകുന്നത്. ആ വീഡിയോ സമൂഹമാധ്യമങ്ങളില് പ്രചരിച്ചിരുന്നു.അതിനു ശേഷം ആണ് ഫിറോസ് കുട്ടിയെ കാണാനായി വരുന്നത്. മിഠായി തരുമോയെന്നായിരുന്നു കിട്ടിയുടെ ചോദ്യം. കൂടെ കരുതിയിരുന്ന മിഠായി പെട്ടി ഫിറോസ് കൈമാറി. ഒപ്പം ഫോട്ടോയ്ക്ക് പോസും ചെയ്തു.
