29.4 C
Pathanāmthitta
Monday, January 17, 2022 10:27 am
- Advertisment -

വിശാഖപ്പട്ടണത്ത് നിരവധി ബോട്ടുകള്‍ കത്തിച്ചു ; മത്സ്യത്തൊഴിലാളി സംഘങ്ങള്‍ തമ്മില്‍ ഏറ്റുമുട്ടല്‍

അമരാവതി : വിശാഖപ്പട്ടണത്ത് മത്സ്യത്തൊഴിലാളി സംഘങ്ങള്‍ തമ്മിലുണ്ടായ ഏറ്റുമുട്ടലില്‍ ഏഴ് പേര്‍ക്ക് പരിക്ക്. ഇരുസംഘങ്ങള്‍ തമ്മിലുള്ള തര്‍ക്കത്തിനിടെ നിരവധി ബോട്ടുകള്‍ കത്തിച്ചതായാണ് വിവരം. പ്രദേശത്ത് പോലീസ് നിരോധനാജ്ഞ പ്രഖ്യാപിച്ചിരിക്കുകയാണ്. ആന്ധ്രാപ്രദേശിലെ പെഡ – ജലാരിപ്പേട്ടയിലാണ് സംഭവം. റിംഗ് നെറ്റ് ഉപയോഗിക്കുന്നതുമായി ബന്ധപ്പെട്ട ചര്‍ച്ചയാണ് തര്‍ക്കത്തില്‍ കലാശിച്ചതെന്ന് പോലീസ് അറിയിച്ചു. വസവണിപാലം, ജലാരിപ്പേട്ട മേഖലകളിലാണ് പോലീസ് നിരോധനാജ്ഞ പ്രഖ്യാപിച്ചിട്ടുള്ളത്. ബംഗാള്‍ ഉള്‍ക്കടലില്‍ മത്സ്യബന്ധനത്തിന് നിയന്ത്രണമേര്‍പ്പെടുത്തിയ മേഖലയില്‍ ചൊവ്വാഴ്ചയായിരുന്നു സംഭവത്തിന് തുടക്കം.

ഒരു സംഘം മത്സ്യത്തൊഴിലാളികള്‍ മറ്റൊരു സംഘത്തിന്റെ ആറ് ബോട്ടുകള്‍ കത്തിച്ചു. കടലില്‍ വെച്ചായിരുന്നു ആക്രമണം. ബോട്ടുകള്‍ കത്തിച്ചതോടെ മറ്റേ സംഘം പ്രത്യാക്രമണവും നടത്തി. ഇതോടെ അന്തരീക്ഷം കലുഷിതമായി. പല മത്സ്യത്തൊഴിലാളികളും ഏറ്റുമുട്ടലിനിടെ കടലില്‍ വീഴുകയും ചെയ്തു. പരമ്പരാഗത വലകളും റിംഗ് നെറ്റുകളും ഉപയോഗിക്കുന്ന രണ്ട് വിഭാഗമാണ് വിശാഖപ്പട്ടണത്തുള്ളത്. ഇരുസംഘവും തമ്മില്‍ ഇതിന് മുമ്പും തര്‍ക്കങ്ങള്‍ നടന്നിട്ടുണ്ട്. അതേസമയം തീരത്തിന് എട്ട് കിലോമീറ്റര്‍ പരിധിയില്‍ റിംഗ് നെറ്റ് ഉപയോഗിക്കരുതെന്ന നിയമമാണ് നിലനില്‍ക്കുന്നത്.

- Advertisment -
Advertisment
Advertisment
- Advertisment -
- Advertisment -

Most Popular