കൊച്ചി : ലോകത്താദ്യമായി അതീവ സുരക്ഷാ രജിസ്ട്രേഷന് ബോര്ഡുകള് സ്ഥാപിച്ച് കേരളം. സംസ്ഥാന ഫിഷറീസ് വകുപ്പാണ് ബോട്ടുകളുടെ സമ്പൂര്ണ സംരക്ഷണവും വിദൂര നിരീക്ഷണവും ലക്ഷ്യമിട്ട് പദ്ധതി നടപ്പാക്കുന്നത്. മത്സ്യത്തൊഴിലാളികളുടെ സുരക്ഷ ഉറപ്പാക്കാനാണ് മത്സ്യബന്ധന ബോട്ടുകളില് ഇത് നടപ്പിലാക്കുന്നത്.
ആദ്യഘട്ടത്തില് 300 ബോട്ടുകളിലാണ് ഹോളോഗ്രാം രജിസ്ട്രഷന് ബോര്ഡുകള് ഘടിപ്പിക്കുന്നത്. നീണ്ടകര, മുനമ്പം, കൊച്ചി എന്നിവിടങ്ങളിലെ നൂറോളം ബോട്ടുകളില് ഇതിനകം ബോര്ഡുകള് ഘടിപ്പിച്ചു. ആഴക്കടലില് അകപ്പെടുന്ന ബോട്ടുകളെ കണ്ടെത്താനും തിരിച്ചറിയാനും സഹായിക്കുന്ന സംവിധാനമാണ് ജിപിഎസ് / ജിപിആര്എസ് നെറ്റ് വര്ക്കിംഗുള്ള സുരക്ഷാ രജിസ്ട്രേഷന് ബോര്ഡ്. കടലിലെ ഉപ്പുവെള്ളമേറ്റാല് നശിക്കാത്ത വസ്തുക്കള് ഉപയോഗിച്ചാണ് നിര്മ്മാണം.
രണ്ടാം ഘട്ടത്തില് 1500 ഉം മൂന്നാം ഘട്ടത്തില് നാലായിരത്തോളം വരുന്ന സംസ്ഥാനത്തെ മുഴുവന് മത്സ്യ ബന്ധന ബോട്ടുകളിലും അതീവ സുരക്ഷാ ബോര്ഡുകള് സ്ഥാപിക്കും. സബ്സിഡി നിരക്കില് സി.ഡിറ്റിന്റെ സാങ്കേതിക സഹായത്തോടെയാണ് ബോര്ഡുകള് സ്ഥാപിക്കുന്നത്. വ്യാജ രജിസ്ട്രേഷന് തിരിച്ചറിയുന്നതിനുള്ള ഹോളോഗ്രാഫിക്കും ലേസര് സംവിധാനങ്ങളും ഇതിലുണ്ട്. തിരിച്ചറിയുന്നതിനും ആശയവിനിമയത്തിനുമായി ഹോളോഗ്രാം ബോര്ഡ് ബോട്ടിന്റെ വീല്ഹൗസിനു മുകളിലാണ് ഘടിപ്പിക്കുന്നത്.
