നാദാപുരം: നാദാപുരം എസ് ഐ ആര്‍ എന്‍ പ്രശാന്തിനെ കയ്യേറ്റം ചെയ്ത അഞ്ച് പോപ്പുലർ ഫ്രണ്ട് പ്രവർത്തകർ അറസ്റ്റിൽ. പേരോട് സ്വദേശികളായ വെല്ലോളി റാഷിദ് (38) , കോടച്ചം വീട്ടിൽ ബഷീർ, പീറ്റയിൽ റിയാസ്, ചെറിയ തുണ്ടിയിൽ അഷ്കർ , തൊടുവയിൽ അബ്ദുൾ ഹക്കീം എന്നിവരെയാണ് നാദാപുരം പോലീസ് അറസ്റ്റ് ചെയ്തത്.
വെള്ളിയാഴ്ച രാവിലെ ഹർത്താലിന്റെ മറവിൽ പേരോട് ടൗണിൽ വാഹനം തടയുന്നതായി വിവരം ലഭിച്ചതിനെ തുടർന്നാണ് കണ്ട്രോൾ റൂം സി ഐ രഞ്ജിത്ത് , ആര്‍ എന്‍ പ്രശാന്ത് എന്നിവർ പോരോട് വെച്ച് അഞ്ച് പോപ്പുലർ ഫ്രണ്ട് പ്രവർത്തകരെ കസ്റ്റഡിയിലെടുത്തത്. പ്രതികളെ സ്റ്റേഷനിലേക്ക് മാറ്റാൻ ശ്രമിക്കുന്നതിനിടയിൽ എസ് ഐയുടെ യൂണിഫോമിലെ നെയിംബോർഡ് വലിച്ചു കീറി കൈയ്യേറ്റത്തിന് ശ്രമിക്കുകയായിരുന്നു.
