ചെന്നൈ: ഉത്സവത്തില് പങ്കെടുക്കാനെത്തിയ അഞ്ചു യുവാക്കള് ക്ഷേത്രക്കുളത്തില് മുങ്ങിമരിച്ചു. തമിഴ്നാട്ടില് ഇന്ന് രാവിലെയാണ് അപകടം ഉണ്ടായത്. ദക്ഷിണ ചെന്നൈയിലെ ധര്മ്മലിംഗേശ്വരര് ക്ഷേത്രത്തിന് സമീപമാണ് സംഭവം. രാഘവന്, യോഗേശ്വരന്, വനേഷ്, രാഘവന്, ആര് സൂര്യ എന്നിവരാണ് മരിച്ചത്. പോലീസും ഫയര്ഫോഴ്സും സംഭവ സ്ഥലത്തേയ്ക്ക് ഓടിയെത്തിയെങ്കിലും ജീവന് രക്ഷിക്കാന് സാധിച്ചില്ല. ക്ഷേത്രത്തിന് സമീപമുള്ള കുളത്തില് കുളിക്കാനിറങ്ങിയപ്പോഴാണ് അപകടം സംഭവിച്ചത്.
ധര്മ്മലിംഗേശ്വരര് ക്ഷേത്രത്തിലെ ‘തീര്ത്ഥവാരി’ മഹോത്സവത്തില് പങ്കെടുക്കുന്നതിനിടെയാണ് ദുരന്തം. 18നും 23 നും ഇടയില് പ്രായമുള്ളവരാണ് മരിച്ച യുവാക്കള്. ക്ഷേത്രത്തിലെ ഉത്സവത്തില് പങ്കെടുക്കാന് എത്തിയതാണ് ഇവര്. വിവരം അറിഞ്ഞ് പോലീസും ഫയര്ഫോഴ്സും സ്ഥലത്ത് എത്തിയെങ്കിലും ജീവന് രക്ഷിക്കാനായില്ല. അഞ്ചുപേരുടെയും മൃതദേഹം പോസ്റ്റ്മോര്ട്ടത്തിന് അയച്ചു. സംഭവത്തില് അന്വേഷണം ആരംഭിച്ചതായും പോലീസ് അറിയിച്ചു.
