ന്യൂഡല്ഹി : സാങ്കേതിക തകരാറിനെത്തുടര്ന്ന് ബഹ്റൈനില്നിന്ന് കോഴിക്കോട്ടേക്കുള്ള എയര് ഇന്ത്യ വിമാനത്തിന്റെ യാത്ര മുടങ്ങി. യാത്രക്കാര് വിമാനത്തില് കയറിയ ശേഷമാണ് സാങ്കേതിക പ്രശ്നം ശ്രദ്ധയില്പെട്ടത്. ഉടന്തന്നെ എല്ലാവരെയും പുറത്തിറക്കി. ഉച്ചക്ക് 2.50ന് കോഴിക്കോട് വഴി മുംബൈക്ക് പുറപ്പെടേണ്ടിയിരുന്ന വിമാനത്തിന്റെ യാത്രയാണ് മുടങ്ങിയത്. 150ഓളം പേരാണ് ഈ വിമാനത്തില് യാത്ര ചെയ്യേണ്ടിയിരുന്നത്. ഇവരില് 110ഓളം പേര് കോഴിക്കോട്ടേക്കുള്ളവരായിരുന്നു. കോഴിക്കോട്ടേക്ക് പോകേണ്ടവരെ രാത്രി 11ന് കൊച്ചിയിലേക്കുള്ള എയര് ഇന്ത്യ വിമാനത്തില് കൊണ്ടുപോയി. ഇവരെ റോഡ് മാര്ഗം കോഴിക്കോട്ട് എത്തിക്കുമെന്ന് എയര് ഇന്ത്യ അധികൃതര് അറിയിച്ചു. മുംബൈയിലേക്കുള്ള യാത്രക്കാരെ തിങ്കളാഴ്ച രാവിലെ ഡല്ഹി വിമാനത്തില് കൊണ്ടുപോകും. ഇവര്ക്ക് എയര് ഇന്ത്യ അധികൃതര് ഹോട്ടലില് താമസസൗകര്യം ഒരുക്കി.
