ശ്രീനഗർ : തുടർച്ചയായ മഴയിൽ ജമ്മുകശ്മീരിലെ രജൗരി പട്ടണത്തിൽ വെള്ളപ്പൊക്കം. മിന്നൽ പ്രളയത്തിൽ നദികൾ കരകവിഞ്ഞൊഴുകുകയാണ്. താഴ്ന്ന പ്രദേശങ്ങൾ വെള്ളത്തിനടിയിലായി. ഞായറാഴ്ച പുലർച്ചെ വെള്ളം ഇരച്ചെത്തുകയായിരുന്നു. ഇവിടെയുള്ള താമസക്കാരെ സുരക്ഷിത സ്ഥലത്തേക്ക് അധികൃതരെത്തി മാറ്റിപാർപ്പിച്ചു. മിന്നൽ പ്രളയത്തിൽ യുവതിയെ കാണാതായതായി റിപ്പോർട്ടുകളുണ്ട്. പെട്ടെന്നുണ്ടായ വെള്ളപ്പാച്ചിലിൽ ഒട്ടേറെ വാഹനങ്ങൾ ഒലിച്ചുപോയി. മോശം കാലാവസ്ഥയെ തുടർന്ന് അമർനാഥ് യാത്ര നിർത്തിവച്ചു. കഴിഞ്ഞ കുറച്ചു ദിവസമായി ജമ്മു കശ്മീരിലുടനീളം കനത്ത മഴ പെയ്യുകയാണ്. അതിർത്തി ജില്ലയായ രജൗരിയിൽ ശനിയാഴ്ച മുതൽ തുടർച്ചയായി മഴ പെയ്യുന്നുണ്ട്. ഇതോടെയാണ് നദികൾ കരകവിയാൻ തുടങ്ങിയത്. രജൗരിയിലെ ദർഹാലി, ഖണ്ഡ്ലി, സുക്തോ, ജമോല തുടങ്ങിയ എല്ലാ നദികളിലും ജലം അപകടകരമായ നിലയിൽ ഉയർന്നിട്ടുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
