ഡല്‍ഹി : കേരളത്തിന് 1276.91 കോടി രൂപ ധനസഹായം അനുവദിച്ച്‌ ധനകാര്യ മന്ത്രാലയം. റവന്യൂ കമ്മി പരിഹരിക്കാനാണ് തുക അനുവദിച്ചിരിക്കുന്നത്. കേരളമടക്കം 14 സംസ്ഥാനങ്ങള്‍ക്ക് ഈ മാസത്തെ ഗഡുവായി 6195.08 നല്‍കാന്‍ ധനമന്ത്രാലയം തീരുമാനിച്ചിട്ടുണ്ട്. 15-ാം ധനകാര്യ കമ്മീഷനാണ് ഓരോ സംസ്ഥാനത്തിന്റെയും നികുതി വിഹിതം കണക്കാക്കുന്നത്. 2020-21ലെ റവന്യൂ കമ്മി പരിഹരിക്കാന്‍ കേരളത്തിന് മൊത്തം 15,323 കോടി രൂപ നല്‍കണമെന്നാണ് കമ്മീഷന്‍ കേന്ദ്ര സര്‍ക്കാരിനോടു ശുപാര്‍ശ ചെയ്തത്.
