ചക്കുവള്ളി : മിഴി ഗ്രന്ഥശാലയുടെ നേതൃത്വത്തിൽ നടന്നുവന്ന ഗ്രന്ഥശാല വാരാഘോഷത്തിന് നാളെ സമാപനം. സംസ്ഥാന ലൈബ്രറി കൗൺസിലിന്‍റെ നിര്ദ്ദേശപ്രകാരം ലോക സാക്ഷരത ദിനമായ സെപ്തംബർ 8 ന് അക്ഷര വെളിച്ചം” എന്ന പേരില്‍ ആരംഭിച്ച ഗ്രന്ഥശാല വാരാഘോഷം ഗ്രന്ഥശാല ദിനമായ 14 ന് പതാക ഉയർത്തിയും അക്ഷരദീപം തെളിയിച്ചും സമാപനം കുറിക്കും. അംഗത്വ വാരാചരണം, പുസ്തക സമാഹരണം, പുസ്തക ചർച്ച, തുടങ്ങിയ പരിപാടികൾ വിവിധ ദിവസങ്ങളിൽ കോവിഡ് മനദണ്ഡങ്ങള്‍ പാലിച്ച് സംഘടിപ്പിച്ചു.
