കോട്ടയം : കോട്ടയത്തു കഞ്ചാവും ഹെറോയിനുമായി അന്യസംസ്ഥാന തൊഴിലാളി അറസ്റ്റിൽ. 850 ഗ്രാം കഞ്ചാവും 9.2 ഗ്രാം ഹെറോയിനുമായി രാജസ്ഥാൻ സ്വദേശി ജിതു ഗുർജർ ആണ് എക്സൈസ് പിടിയിലായത്. നട്ടാശ്ശേരി നാഗമ്പടം ശ്രീ മഹാദേവ ക്ഷേത്ര മൈതാനത്തിന് സമീപത്തുള്ള വീട്ടിൽ നിന്നാണ് എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ പി ശ്രീരാജും സംഘവും പ്രതിയെ പിടികൂടിയത്.
അസിസ്റ്റന്റ് എക്സൈസ് ഇൻസ്പെക്ടർമാരായ ബിനോദ് കെ ആർ, അനു വി ഗോപിനാഥ്, ബൈജുമോൻ കെ സി, സിവിൽ എക്സൈസ് ഓഫീസർ അനീഷ് രാജ്, നിഫി ജേക്കബ്, സബിത കെ കെ എന്നിവർ പങ്കെടുത്തു.മറ്റൊരു പരിശോധനയിൽ, അട്ടപ്പാടിയിൽ അനധികൃത വില്പനയ്ക്ക് ഓട്ടോറിക്ഷയിൽ കൊണ്ടുവന്ന 95 ലിറ്റർ ഇന്ത്യൻ നിർമ്മിത വിദേശമദ്യം എക്സൈസ് പിടികൂടി. മണ്ണാർക്കാട് സർക്കിൾ ഇൻസ്പെക്ടർ ആദർശ് ട ആ യുടെ നേതൃത്വത്തിലുള്ള സംഘമാണ് വാഹന പരിശോധനയ്ക്കിടയിൽ മദ്യം പിടികൂടി മൂന്ന് പ്രതികളെ അറസ്റ്റ് ചെയ്തത്.
