തിരുവനന്തപുരം: കേരളത്തോടുളള സ്‌നേഹം ഒരുദിവസം കൊണ്ട് തകര്‍ന്നെന്ന് മര്‍ദനത്തിന് ഇരയായ വിദേശി യുവാവ്. കോവളത്ത് ക്രൂരമര്‍ദനത്തിന് ഇരയായ നെതര്‍ലാന്‍ഡ്‌സ് സ്വദേശി കാര്‍വിനാണ് ഇക്കാര്യം പറഞ്ഞത്. പിതാവിനൊപ്പം ചികിത്സയ്ക്കെത്തിയ കാല്‍വിന്‍ സ്‌കോള്‍ട്ടന് (27) മര്‍ദനമേറ്റത്. കോവളം ലൈറ്റ് ഹൗസ് ബീച്ചിന് സമീപം ടാക്സി ഡ്രൈവര്‍മാര്‍ തമ്മിലുണ്ടായ സംഘര്‍ഷത്തിനിടെ പിടിച്ചുമാറ്റാന്‍ ശ്രമിച്ചപ്പോഴാണ് കാല്‍വിന്‍ സ്‌കോള്‍ട്ടന് മര്‍ദനമേറ്റത്.
പിതാവിനൊപ്പം ചികിത്സയ്ക്കെത്തിയപ്പോള്‍ വെള്ളിയാഴ്ചയായിരുന്നു സംഭവം.ഇനി ഇന്ത്യയിലേക്കില്ലെന്നും കാല്‍വിന്‍ പറയുന്നു. സ്‌കോട്ട്ലാന്‍ഡിലെ കാളപ്പോരിനേക്കാളും ഇവിടെ നാട്ടുകാര്‍ വിറളിപൂണ്ട് നില്‍ക്കുന്നതാണ് കാണാന്‍ കഴിഞ്ഞത്. സംഭവശേഷം ഒറ്റയ്ക്ക് പുറത്തിറങ്ങിയിട്ടില്ല. ഇത്രയും മോശപ്പെട്ടവര്‍ ഇനിയെന്തും ചെയ്യുമെന്ന ഭയം ഉള്ളിലുണ്ട്. മര്‍ദിച്ച പ്രതിക്ക് ഉടന്‍ ജാമ്യം നല്‍കി. ഞങ്ങളുടെ നാട്ടിലാണെങ്കില്‍ കടുത്ത ശിക്ഷ നല്‍കുമായിരുന്നെന്നും കാല്‍വിന്‍ വ്യക്തമാക്കി. കാല്‍വിനെ ആക്രമിച്ച സംഭവത്തില്‍ ടാക്സി ഡ്രൈവര്‍ വിഴിഞ്ഞം ടൗണ്‍ഷിപ് കോളനിയില്‍ ടിസി 454ല്‍ ഷാജഹാനെ (40) കോവളം പോലീസ് അറസ്റ്റ് ചെയ്തിരുന്നു.
