റാന്നി : കാടും പടലും മൂടിക്കിടക്കുകയാണ് അങ്ങാടി പഞ്ചായത്തിലെ മാലിന്യ സംസ്കരണ യൂണിറ്റുകൾ. പേട്ട ചന്തയുടെ തരിശായി കിടക്കുന്ന സ്ഥലത്തു നിർമിച്ച യൂണിറ്റുകളാണ് അടഞ്ഞു കിടക്കുന്നത്. കഴിഞ്ഞ പഞ്ചായത്ത് ഭരണസമിതിയുടെ അവസാന കാലത്താണ് അജൈവ മാലിന്യം സംസ്കരിക്കുന്നതിന് യൂണിറ്റുകൾ സ്ഥാപിച്ചത്.
ടൗണിലെ വ്യാപാര സ്ഥാപനങ്ങളിൽ നിന്ന് അജൈവ മാലിന്യം സംഭരിച്ച് യൂണിറ്റുകളിൽ എത്തിക്കുന്നതിന് ഹരിത കർമസേനയും രൂപീകരിച്ചിരുന്നു. ജൈവ മാലിന്യം മാത്രമാണ് കുറെ സംഭരിച്ചത്. അവ അജൈവ മാലിന്യ സംസ്കരണ യൂണിറ്റുകളിൽ കൂട്ടിയിട്ടുണ്ട്. ഇതു തരംതിരിക്കാനോ സംസ്ക്കരിക്കാനോ നടപടിയുണ്ടായിട്ടില്ല.എംസിഎഫും പ്രയോജനപ്പെടുത്തുന്നില്ല.
