തിരുപ്പതി: ആന്ധ്രാപ്രദേശിലെ കൈലാസഗിരി മലനിരകളിലെ വനമേഖലയില് വന് തീപിടിത്തം. ആന്ധ്രാപ്രദേശിലെ ചിറ്റൂര് ജില്ലയിലെ ശ്രീകാളഹസ്തിയിലെ ശ്രീകാളഹസ്തീശ്വര ക്ഷേത്രത്തിലാണ് തീപിടുത്തമുണ്ടായത്. തീ അണയ്ക്കാനുള്ള ശ്രമങ്ങള് വിജയിച്ചില്ലെന്നും തീ ആളിപ്പടരുകയായിരുന്നെന്നും ക്ഷേത്രം അധികൃതര് പറഞ്ഞു. തീയണക്കാനുള്ള ശ്രമങ്ങള് പുരോഗമിക്കുകയാണ്.
ചില അക്രമികള് വനമേഖലയില് അതിക്രമിച്ചു കയറിയെന്നും അവരുടെ ഇടപെടലാണ് കാട്ടുതീ പടര്ത്തിയതെന്നും ക്ഷേത്രം ഭാരവാഹികള് സംശയിക്കുന്നു. അതേസമയം, ആളപായമോ സ്വത്ത് നാശനഷ്ടങ്ങളോ ഇതുവരെ റിപ്പോര്ട്ട് ചെയ്തിട്ടില്ല. ശ്രീകാളഹസ്തി ക്ഷേത്രത്തിന് സമീപമുള്ള ഗോശാലയിലേക്ക് തീ പടര്ന്നത് ഉദ്യോഗസ്ഥരെയും നാട്ടുകാരെയും പരിഭ്രാന്തിയിലാക്കി.
