കോഴിക്കോട് : കത്തിക്കരിഞ്ഞ നിലയില് മൃതദേഹം കണ്ടെത്തി. കാളാണ്ടിതാഴം സ്വദേശി ജസ്റ്റിന് ജേക്കബ് (72) നെയാണ് മരിച്ച നിലയില് കണ്ടെത്തിയത്. തിങ്കളാഴ്ച പുലര്ച്ചെ രണ്ടോടെയാണ് വഴിയരികില് കത്തിക്കരിഞ്ഞ നിലയില് മൃതദേഹം കണ്ടെത്തിയത്. ആത്മഹത്യയാകാമെന്നാണ് പോലീസ് നിഗമനം.
ജസ്റ്റിനും ഭാര്യയും മാത്രമാണ് വീട്ടിലുണ്ടായിരുന്നത്. ജസ്റ്റിന് കാന്സര് രോഗിയായിരുന്നു. ഇതില് മനംനൊന്താണ് ആത്മഹത്യ ചെയ്തതെന്നാണ് പോലീസ് നല്കുന്ന വിശദീകരണം. മെഡിക്കല് കോളേജ് പോലീസ് മേല്നടപടികള് സ്വീകരിച്ച് മൃതദേഹം കോഴിക്കോട് മെഡിക്കല് കോളേജ് മോര്ച്ചറിയിലേയ്ക്കു മാറ്റി.
