ഉദുമ : 28 ദിവസം മുമ്പ് പ്രസവിച്ച യുവതിയെ വീടിനുള്ളില് ജീവനൊടുക്കിയ നിലയില് കണ്ടെത്തി. അരമങ്ങാനം ഉലൂജി എസ്ആര് ഭവനിലെ സുജിനി (27)യെ ആണ് തൂങ്ങി മരിച്ച നിലയില് കണ്ടെത്തിയത്. വെള്ളിയാഴ്ച വൈകുന്നേരം വീട്ടുകാര് പുറത്തു പോയി തിരിച്ചെത്തിയപ്പോള് മുറിയില് സുജിനിയെ തൂങ്ങിയ നിലയില് കണ്ടെത്തുകയായിരുന്നു. 28 ദിവസം മുമ്പാണ് സുജിനി ആണ്കുഞ്ഞിന് ജന്മം നല്കിയത്. അയല്വാസികളുടെ സഹായത്തോടെ ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഭര്ത്താവ് അഭിലാഷ് പാലക്കുന്നിലെ ഓട്ടോ ഡ്രൈവറാണ്. മകള് : ശ്രേയ. അരമങ്ങാനം ഉലൂജിയിലെ മല്ലികയുടെയും പരേതനായ അപ്പകുഞ്ഞിയുടെയും മകളാണ് സുജിനി. സഹോദരങ്ങള് : അഭിലാഷ്, സുപ്രിയ, സജിനി.
