പത്തനംതിട്ട : കേരള പോലീസ് അസോസിയേഷന്റെ സ്ഥാപക ദിനം ബഡ്സ് റിഹാബിലിറ്റേഷൻ സെന്ററിൽ വെച്ച് കെ എ പി മൂന്നാം ബറ്റാലിയൻ കമാണ്ടന്റ് ശ്രീ സിജിമോൻ ജോർജ് ഉദ്ഘാടനം ചെയ്തു. കെ എ പി മൂന്നാം ബറ്റാലിയൻ ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച ചടങ്ങിൽ കെ പി എ ജില്ലാ പ്രസിഡന്റ് അഖിൽ കുമാർ അദ്ധ്യക്ഷത വഹിച്ചു. സെക്രട്ടറി സഞ്ചു കെ വി സ്വാഗതം ആശംസിച്ചു. ചടങ്ങിൽ അസ്സി കമാണ്ടന്റ് മാരായ ശ്രീ സിജു, ശ്രീ സജീന്ദ്രൻ ,ശ്രീ സത്യശീലൻ ,ശ്രീ സുമേഷ് , കെ പി ഒ എ ഭാരവാഹികളായ ശ്രീ സാജൻ ജോർജ് ശ്രീ അനിൽ പി ജി ബഡ്സ് സ്കൂൾ അദ്ധ്യാപിക ശ്രീ ഷീജ എന്നിവർ ആശംസകളറിയിച്ചു. തുടർന്ന് ബഡ്സ് സ്കൂൾ കുട്ടികളുടെ വിവിധ കലാപരിപാടികൾ നടത്തി. കുട്ടികൾക്ക് മധുര പലഹാരങ്ങളും ഭക്ഷണവും നൽകി.
