27.5 C
Pathanāmthitta
Thursday, June 16, 2022 7:26 pm

ഇന്ത്യയുടെ മുന്‍ ദീര്‍ഘദൂര ഓട്ടക്കാരന്‍ ഹരിചന്ദ് അന്തരിച്ചു

ന്യൂഡല്‍ഹി : ഇന്ത്യയുടെ മുന്‍ ദീര്‍ഘദൂര ഓട്ടക്കാരന്‍ ഹരിചന്ദ് (69) അന്തരിച്ചു. തിങ്കളാഴ്ച രാവിലെയായിരുന്നു അന്ത്യം.രാജ്യത്തെ പ്രതിനിധീകരിച്ച്‌ രണ്ട് തവണ ഒളിമ്ബിക്‌സില്‍ പങ്കെടുത്ത അദ്ദേഹം 1978-ലെ ബാങ്കോക്ക് ഏഷ്യന്‍ ഗെയിംസില്‍ രണ്ട് സ്വര്‍ണ്ണ മെഡലുകള്‍ സ്വന്തമാക്കിയ താരം കൂടിയാണ്. 5000, 10000 മീറ്ററുകളിലായിരുന്നു നേട്ടം. 1976-ലെ മോണ്ട്‌റിയല്‍ ഒളിമ്പിക്‌സില്‍ 25 ലാപ്പര്‍ സെറ്റില്‍ ഹരിചന്ദ് സ്ഥാപിച്ച ദേശീയ റെക്കോഡ് 32 വര്‍ഷത്തിനു ശേഷമാണ് തിരുത്തപ്പെട്ടത്.

10000 മീറ്ററിലെ രണ്ടാം ഹീറ്റ്‌സ് 28:48:72 സമയത്തില്‍ ഫിനിഷ് ചെയ്താണ് അദ്ദേഹം ദേശീയ റെക്കോഡ് സ്ഥാപിച്ചത്. 32 വര്‍ഷങ്ങള്‍ക്കു ശേഷം സുരേന്ദ്ര സിങ്ങാണ് ഈ റെക്കോഡ് തകര്‍ത്തത്. ഹരി ചന്ദിന്റെ മരണം ഇന്ത്യന്‍ കായികരംഗത്തിന് തീരാനഷ്ടമാണെന്ന് ഏഷ്യന്‍ ഗെയിംസ് മെഡല്‍ ജേതാവും നീന്തല്‍ താരവുമായ ഖജന്‍ സിങ് അഭിപ്രായപ്പെട്ടു.

- Advertisment -
- Advertisment -
Advertisment
- Advertisment -

Most Popular