യു.പി : രാജ് കുന്ദ്രയുടെ അറസ്റ്റിന് പിന്നാലെ ബോളിവുഡ് നടി ശില്പ ഷെട്ടിക്ക് എതിരെ തട്ടിപ്പ് കേസ്. യുപിയില് ഫിറ്റ്നെസ് വെല്നസ് സെന്ററിന്റെ ബ്രാഞ്ച് തുടങ്ങാമെന്ന് വാഗ്ദാനം ചെയ്ത് രണ്ടുപേരില് നിന്ന് ശില്പ്പയും അമ്മ സുനന്ദയും കോടികള് തട്ടിയെന്നാണ് കേസ്.
ഉത്തര്പ്രദേശിലെ ഹസ്രത് ഗഞ്ച്, വിഭൂതി ഖണ്ഡ് പോലീസ് സ്റ്റേഷനുകളിലാണ് കേസ് രജിസ്റ്റര് ചെയ്തിരിക്കുന്നത്. വിഭൂതി ഖണ്ഡ് പോലീസ് സ്റ്റേഷനില് ജ്യോത്സന ചൗഹാന് എന്ന സ്ത്രീയും ഹസ്രത് ഗഞ്ച് പോലീസ് സ്റ്റേഷനില് രോഹിത് വീര് എന്നയാളുമാണ് പരാതി നല്കിയത്.
ഉത്തര്പ്രദേശില് നിന്നുള്ള പോലീസ് സംഘം ശില്പയെ ചോദ്യം ചെയ്യാനായി മുംബൈയില് എത്തിയേക്കുമെന്ന് വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്തു. ലോസിസ് വെല്നെസ് സെന്റര് എന്ന സ്ഥാപനത്തിന്റെ ചെയര് പേഴ്സണാണ് ശില്പ്പ.
