റാന്നി: റീബിൽഡ് കേരള അതിജീവനം കേരളീയം പദ്ധതിയുടെ ഭാഗമായി സംസ്ഥാന സർക്കാർ കുടുംബശ്രീയിലൂടെ നടപ്പിലാക്കുന്ന ” യുവ കേരളം ” സൗജന്യ നൈപുണ്യ തൊഴില് പരിശീലനം നല്കി.പഴവങ്ങാടി ഗ്രാമ പഞ്ചായത്ത് കുടുംബശ്രീ സിഡിഎസ്, കുടുംബശ്രീ ജില്ലാ മിഷൻ എന്നിവയുടെ നേതൃത്വത്തില് ആണ് പരിശീലനം നല്കിയത്. ഗ്രാമീണ മേഖലയിലെ 18 നും 35നും ഇടയിൽ പ്രായമായ യുവതി യുവാക്കളാണ് പദ്ധതിയുടെ ഗുണഭോക്താക്കൾ. കുടുംബശ്രീ കുടുംബാംഗങ്ങൾ , അഗതി കുടുംബങ്ങൾ , സാമ്പത്തിക പിന്നോക്കാവസ്ഥയിലുള്ളവർ എന്നിവരാണ് ഗുണഭോക്താക്കൾ.ദീൻ ദയാൽ ഉപാദ്ധ്യായ ഗ്രാമീണ കൗശല് യോജന റാന്നി ബ്ലോക്ക് തല കപ്പാസിറ്റി ബിൽഡിംങ്ങ് ഉദ്ഘാടനം പഴവങ്ങാടി ഗ്രാമ പഞ്ചായത്ത് പ്രസിഡന്റ് അനിതാ അനിൽകുമാർ നിര്വ്വഹിച്ചു. സിഡിഎസ് ചെയർപേഴ്സൺ നിഷാ രാജീവ് അദ്ധ്യക്ഷത വഹിച്ചു.
റാന്നി ഗ്രാമ പഞ്ചായത്ത് പ്രസിഡന്റ് കെ.ആര് പ്രകാശ്, ബ്ലോക്ക് ഡിവിഷൻ അംഗം അന്നമ്മ തോമസ്, വെച്ചൂച്ചിറ ഗ്രാമ പഞ്ചായത്ത് ക്ഷേമകാര്യ സ്റ്റാൻഡിംങ്ങ് കമ്മറ്റി ചെയർപേഴ്സൺ പൊന്നമ്മ ചാക്കോ , ചിറ്റാർ ക്ഷേമ കാര്യ സ്റ്റാൻഡിങ്ങ് കമ്മറ്റി ചെയപേഴ്സൺ സൂസമ്മദാസ് , സിഡിഎസ് ചെയർപേഴ്സൺമാരായ ഗ്രേസി ഫിലിപ്പ് , മിനി അശോകൻ , ഷീബാ ജോൺസൺ , അഞ്ചു കൃഷ്ണ , ഓമന രാജൻ , ബിന്ദു നാരായണൻ എന്നിവര് പ്രസംഗിച്ചു. ബ്ലോക്ക് കോഡിനേറ്റർമാരായ സ്മിത തോമസ് , വി.സിജി മോൾ എന്നിവർ ക്ലാസ്സെടുത്തു.
