അടൂര്‍ : ടൂറിസം വാരാഘോഷത്തിന്‍റെ ഭാഗമായുള്ള അടൂരോണം നാളെ മുതല്‍ 27 വരെ ഗാന്ധി സ്‌മൃതി മൈതാനിയില്‍ നടക്കും. 25 ന്‌ സാംസ്‌കാരിക സമ്മേളനത്തില്‍ ഡെപ്യൂട്ടി സ്‌പീക്കര്‍ ചിറ്റയം ഗോപകുമാര്‍ അധ്യക്ഷത വഹിക്കും. ഓണാഘോഷ പരിപാടിയുടെ ജില്ലാതല ഉദ്‌ഘാടനം കൃഷിമന്ത്രി പി. പ്രസാദ്‌ നിര്‍വഹിക്കും. കലാസന്ധ്യ ഉദ്‌ഘാടനം ആരോഗ്യമന്ത്രി വീണജോര്‍ജ്‌ നിര്‍വഹിക്കും. രാത്രി ഏഴിന്‌ നടക്കുന്ന സംഗീതസന്ധ്യ സുനില്‍ വിശ്വവും സംഘവും നയിക്കും. 24 ന്‌ ഏറത്ത്‌ ഹരിശ്രീ ഓഡിറ്റോറിയത്തില്‍ തിരുവാതിര മത്സരവും.
25 മുതല്‍ ഗാന്ധി സ്‌മൃതി മൈതാനിയില്‍ വിവിധ കലാപരിപാടികളും അരങ്ങേറും. ഏറത്ത്‌ ഹരിശ്രീ ഓഡിറ്റോറിയത്തില്‍ ഗ്രാമപഞ്ചായത്ത്‌ പ്രസിഡന്‍റ് സന്തോഷ്‌ ചാത്തന്നൂപുഴയുടെ അധ്യക്ഷതയില്‍ നടക്കുന്ന തിരുവാതിര മത്സരങ്ങളുടെ ഉദ്‌ഘാടനം ഡെപ്യൂട്ടി സ്‌പീക്കര്‍ ചിറ്റയം ഗോപകുമാര്‍ നിര്‍വഹിക്കും. വിവിധ ജനപ്രതിനിധികളും രാഷ്ര്‌ടീയകക്ഷി നേതാക്കളും ചടങ്ങില്‍ പങ്കുചേരും. അടൂര്‍, പന്തളം നഗരസഭകളില്‍ നിന്നും മറ്റ്‌ ഏഴ്‌ പഞ്ചായത്തില്‍ നിന്നും തെരഞ്ഞെടുക്കപ്പെടുന്ന ഓരോ ടീമുകള്‍ മത്സരത്തില്‍ പങ്കെടുക്കും. ആദ്യ മൂന്ന്‌ സമ്മാനങ്ങള്‍ നേടുന്ന ടീമിന്‌ ക്യാഷ്‌ അവാര്‍ഡും മൊമെന്റോയും നല്‍കും.
വൈകിട്ട്‌ മൂന്നിന്‌ നടക്കുന്ന ഘോഷയാത്രയില്‍ ശിങ്കാരിമേളം, മുത്തുക്കുട, തെയ്യം, നിശ്‌ചല ദൃശ്യങ്ങള്‍ എന്നിവ അണിനിരക്കും. ജനറല്‍ ആശുപത്രി ജംഗ്ഷനില്‍ നിന്ന് ആരംഭിക്കുന്ന ഘോഷയാത്ര നഗരം ചുറ്റി ഗാന്ധി സ്‌മൃതി മൈതാനിയില്‍ എത്തിച്ചേരും. 26 ന്‌ വൈകിട്ട്‌ 5:30 ന്‌ നടക്കുന്ന ഫോക്ക്‌ലോര്‍ കലാസന്ധ്യയില്‍ ഫോക്‌ ലോര്‍ അക്കാദമി ചെയര്‍മാന്‍ ഓ.എസ്‌ ഉണ്ണികൃഷ്‌ണന്‍ അധ്യക്ഷത വഹിക്കും. പിന്നണി ഗായികയും എം.എല്‍.എയും ആയ ദലീമ ഉദ്‌ഘാടനം നിര്‍വഹിക്കും. ആറിന്‌ അഡ്വ സുരേഷ്‌ സോമ, സുമേഷ്‌ നാരായണന്‍ നിനവ്‌ എന്നിവര്‍ നയിക്കുന്ന തിരുവിതാംകൂര്‍ മാത്തൂര്‍ പഠന കേന്ദ്രത്തിന്‍റെ ഗോത്ര സംഗീത നാടന്‍ കലാമേളയും നടക്കും. 27 ന്‌ വൈകിട്ട്‌ നടക്കുന്ന സമാപന സമ്മേളനം ചീഫ് വിപ്പ്‌ ഡോ. എന്‍. ജയരാജ്‌ ഉദ്‌ഘാടനം ചെയ്യും. ചിറ്റയം ഗോപകുമാര്‍ അധ്യക്ഷത വഹിക്കും.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
