തിരുവനന്തപുരം : ഇന്ധനവിലയ്‌ക്കെതിരെ യൂത്ത് കോണ്‍ഗ്രസ് സമരം തുടരുമെന്ന് ഷാഫി പറമ്പില്‍ എംഎല്‍എ. വില കുത്തനെ കൂട്ടിയിട്ട് ചെറിയ കുറവാണ് വരുത്തിയിരിക്കുന്നത്. കേന്ദ്രം കുറച്ച ഇന്ധന നികുതി തുച്ഛമായ തുകമാത്രമാണെന്നും ഇതിന്‍റെ അടിസ്ഥാനത്തിൽ സംസ്ഥാനങ്ങൾക്ക് കുറയ്ക്കാനാകില്ലെന്നുമാണ് ധനമന്ത്രി ഈ വിഷയത്തിൽ പ്രതികരിച്ചത്. ഒരു രൂപപോലും കുറയ്ക്കില്ലെന്ന സംസ്ഥാന ധനമന്ത്രിയുടെ നിലപാട് ജനങ്ങളോടുളള വെല്ലുവിളിയെന്നും ഷാഫി പത്തനംതിട്ടയില്‍ പറഞ്ഞു.
