ചങ്ങനാശ്ശേരി : ജനാധിപത്യം പുനഃസ്ഥാപിക്കുന്നതിനുള്ള ശ്രമമാണ് ഇത്തവണത്തെ തദ്ദേശ തെരഞ്ഞെടുപ്പില് ഉണ്ടാകേണ്ടതെന്ന് എന്.എസ്.എസ്. ജനറല് സെക്രട്ടറി ജി. സുകുമാരന് നായര്. വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. വസ്തുതകള് മനസ്സിലാക്കി ജനങ്ങള് വോട്ട് ചെയ്യും. ജനങ്ങള് അസ്വസ്ഥരാണ്. അതുകൊണ്ട് തന്നെ ഈ തെരഞ്ഞെടുപ്പ് ജനാധിപത്യത്തിന്റെ വിജയമാകണമെന്നും സുകുമാരന് നായര് പറഞ്ഞു. മുന്നണികളോട് സമദൂര നിലപാടാണ് എന്.എസ്.എസിനുള്ളതെന്നും അദ്ദേഹം വ്യക്തമാക്കി.
