ഇരിട്ടി : ആറളത്ത് തനിച്ചു താമസിക്കുന്ന സ്ത്രീയെ കവര്ച്ചക്കെത്തിയ സംഘം വെട്ടി പരിക്കേല്പ്പിച്ച് കഴുത്തിലണിഞ്ഞ മാലയും ചെവി അറുത്തുമുറിച്ച് കമ്മലും കവര്ന്നു. ആറളം പയോറ ഏച്ചില്ലം അമ്പലത്തിനടുത്ത് ഭര്ത്താവ് ഉപേക്ഷിച്ച ശേഷം തനിച്ചു താമസിക്കുന്ന കുന്നുമ്മല് ഹൗസില് രാധ (60) യെയാണ് ആക്രമിച്ച് കവര്ച്ച നടത്തിയത്. അബോധവസ്ഥയില് കാണപ്പെട്ട ഇവരെ നാട്ടുകാരാണ് ആശുപത്രിയിലെത്തിച്ചത്.
ഗുരുതരമായി പരിക്കേറ്റ ഇവരെ ഇരിട്ടി ആശുപത്രിയിലും തുടര്ന്ന് പരിയാരത്തെ കണ്ണൂര് ഗവ.മെഡിക്കല് കോളജ് ആശുപത്രിയിലെ തീവ്രപരിചരണ വിഭാഗത്തിലും പ്രവേശിപ്പിച്ചു. ആറളം പോലീസ് സ്ഥലത്തെത്തി പരിശോധിച്ചു. മെഡിക്കല് കോളജില് തീവ്രപരിചരണ വിഭാഗത്തില് ചികിത്സയില് കഴിയുന്ന ഇവരില് നിന്നും ആറളം പോലിസ് മൊഴിയെടുത്തിട്ടുണ്ട്.
