തിരുവനന്തപുരം : പോലീസിനെ ആക്രമിച്ച കേസില് മുഖ്യപ്രതിയടക്കം 11 പേര് പിടിയിലായി. തിരുവനന്തപുരം കോട്ടൂരില് ആണ് കഞ്ചാവ് മാഫിയ പോലീസിന് നേരെ ആക്രമണം നടത്തിയത്.
കേസിലെ മുഖ്യപ്രതി കാട്ടാക്കട സദേശി ഹരികൃഷ്ണന് ആണ്, ഇയാളെ അടക്കം 11 പേരെയാണ് അറസ്റ്റ് ചെയ്തത് . പ്രതികളെ നാളെ കോടതിയില് ഹാജരാക്കും. നേരത്തേ അമന് എന്നയാളെ അറസ്റ്റ് ചെയ്തിരുന്നു. പോലീസ് അമനിനെ ഇന്ന് സംഭവസ്ഥലത്ത് എത്തിച്ച് തെളിവെടുപ്പ് നടത്തി. കഞ്ചാവ് വില്ക്കുന്ന സംഘം പ്രദേശത്തെ കോളനിയിലെ ഒരു യുവാവിനെ ഒരാഴ്ച മുമ്പ് ആക്രമിച്ചിരുന്നു. കൂടാതെ ഈ കേസിലെ സാക്ഷിയായ കോട്ടൂര് സ്വദേശി സജി കുമാറിന്റെ വീടിന് നേരെയും കഞ്ചാവ് മാഫിയ സംഘം ആക്രമണം നടത്തിയിരുന്നു.
ഈ സംഭവങ്ങളെ തുടര്ന്ന് സ്ഥലത്തെത്തിയ നെയ്യാര് ഡാം പോലീസിന് നേരെയും ഇവര് ആക്രമണം നടത്തി. പോലീസിന് നേരെ സംഘം പെട്രോള് ബോംബാക്രമണം ആണ് നടത്തിയത്. ആക്രമണത്തില് സിവില് പോലീസ് ഓഫീസര് ടിനോ ജോസഫിന് പരിക്കേറ്റിരുന്നു.
