മധ്യപ്രദേശ് : ഇ-കൊമേഴ്സ് ഭീമന്മാരായ ആമസോണ് വഴി കഞ്ചാവ് കടത്ത്. സംഭവത്തില് കമ്പിനിയുടെ എക്സിക്യൂട്ടീവുമാരെ മധ്യപ്രദേശ് പോലീസ് ചോദ്യം ചെയ്യാന് വിളിപ്പിച്ചു. നേരത്തെ 20 കിലോ കഞ്ചാവുമായി രണ്ടുപേരെ മധ്യപ്രദേശ് പോലീസ് അറസ്റ്റ് ചെയ്തിരുന്നു. ഇവരെ ചോദ്യം ചോദ്യം ചെയ്തതില് നിന്നും ആമസോണ് ഇന്ത്യ വെബ്സൈറ്റ് വഴിയാണ് അന്തര്സംസ്ഥാന വില്പ്പന നടത്തുന്നതെന്ന് പോലീസ് കണ്ടെത്തുകയായിരുന്നു.
ഇത്തരത്തില് ആയിരം കിലോയോളം കഞ്ചാവ് വിറ്റഴിച്ചതായി പോലീസ് പറഞ്ഞു. ഇതിന് 148,000 ഡോളര് വില വരും. ഇതെങ്ങനെയാണ് നടക്കുന്നതെന്ന് വിശദീകരിക്കാന് ആമസോണ് എക്സിക്യൂട്ടീവുകളോട് ആവശ്യപ്പെട്ടിട്ടുണ്ട്. അതേസമയം സംഭവവുമായി ബന്ധപ്പെട്ട് കമ്പിനി അന്വേഷണം ആരംഭിച്ചതായും ഇന്ത്യയില് നിരോധിക്കപ്പെട്ട ഒരു ഉല്പ്പന്നവും ലിസ്റ്റ് ചെയ്യാനോ വില്ക്കാനോ അനുവദിക്കില്ലെന്നും ആമസോണ് വക്താവ് അറിയിച്ചു.
