മല്ലപ്പള്ളി : റോഡിന്റെ വശങ്ങളിൽ രാത്രികാലങ്ങളിൽ മാലിന്യം തള്ളുന്നത് പതിവാകുന്നു. കഴിഞ്ഞ ദിവസം തിരുവല്ല – മല്ലപ്പള്ളി റോഡിൽ പാമലക്കു സമീപമാണ് റോഡിലേക്ക് മാലിന്യം തള്ളിയത്. പാമല എസ്റ്റേറ്റിനു സമീപം ചെറുതും വലുതുമായ വാഹനങ്ങളില് എത്തിയാണ് രാത്രികാലങ്ങളിൽ മാലിന്യം തള്ളുന്നത്. ചാക്കിലാക്കി കൊണ്ടുവരുന്ന മാലിന്യം റോഡിലേക്ക് തള്ളുകയാണ്. റോഡിന്റെ ഇരു വശങ്ങളിലും മാലിന്യം നിറഞ്ഞ അവസ്ഥയാണ്.
ദുർഗന്ധം വമിക്കുന്നതിനാൽ ഇതു വഴിയുള്ള വാഹന യാത്ര പോലും ദുസഹമായിരിക്കുകയാണ്. പ്രദേശത്ത് മാലിന്യം തള്ളുന്നവരെ കണ്ടെത്തി നിയമ നടപടി സ്വികരിക്കണമെന്ന നാട്ടുകാരുടെ ആവശ്യത്തിന് പഴക്കം ഏറെയുണ്ട്. ആളൊഴിഞ്ഞ പ്രദേശമായതിനാൽ ദൂരെ സ്ഥലങ്ങളിൽ നിന്നു പോലും ഇവിടെ മാലിന്യം കൊണ്ടുവന്ന് തള്ളുന്നുണ്ട്. പ്രദേശത്ത് രാത്രികാലങ്ങളിൽ പോലീസ് പട്രോളിംഗ് ശക്തമാക്കണമെനാന്ന് നാട്ടുകാരുടെ ആവശ്യം.
