റായ്പൂര് : ഛത്തീസ്ഗഡിലെ ഗാരിയബന്ദിയില് ട്രകും ട്രാക്ടറും കൂട്ടിയിടിച്ചുണ്ടായ അപകടത്തില് അഞ്ചുപേര് മരിച്ചു. 17 പേര്ക്ക് പരിക്കേറ്റതായും വിവരമുണ്ട്. മജ്രകട്ട ഗ്രാമത്തിലെ നിവാസികള് ഒരു ചടങ്ങില് പങ്കെടുത്ത് മടങ്ങുമ്പോഴാണ് അപകടമുണ്ടായത്. അപകടത്തില് ട്രോളി പൂര്ണമായി തകര്ന്നു. ട്രാക്ടര് ട്രോളിയിലുണ്ടായിരുന്ന ആളുകളാണ് അപകടത്തില്പെട്ടത്.
മുഖ്യമന്ത്രി ഭൂപേഷ് ബാഗേല് മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ വീതവും പരിക്കേറ്റവര്ക്ക് 50,000 രൂപയും ധനസഹായം പ്രഖ്യാപിച്ചു. പരിക്കേറ്റ 14 പേരെ മെച്ചപ്പെട്ട ചികിത്സയ്ക്കായി റായ്പൂരിലേക്ക് അയച്ചതായി അധികൃതര് വ്യക്തമാക്കി. മറ്റ് മൂന്ന് പേര് ഗരിയബന്ദിലെ ജില്ലാ ആശുപത്രിയില് ചികിത്സയിലാണ്. സംഭവത്തില് കേസെടുത്തിട്ടുണ്ടെന്നും അന്വേഷണം നടത്തിവരികയാണെന്നും ജില്ലാ പോലീസ് അറിയിച്ചു.
