പാലക്കാട്: തൃത്താലയില് വീടിനുള്ളില് ഗ്യാസ് പൊട്ടിത്തെറിച്ച് അപകടം. പാചകം ചെയ്യുന്നതിനിടെ ഗ്യാസ് കുറ്റി പൊട്ടിത്തെറിക്കുകയായിരുന്നു. അപകടത്തില് വീട്ടിലുണ്ടായിരുന്ന മൂന്നു പേര്ക്ക് പരിക്കേറ്റു.വീട്ടുടമ അബ്ദുറസാഖ്, ഭാര്യ സെറീന, മകന് സെബിന് എന്നിവര്ക്കാണ് പരുക്കേറ്റത്. പരുക്കേറ്റവരെ തൃശൂര് മെഡിക്കല് കോളേജിലെ അത്യാഹിത വിഭാഗത്തില് പ്രവേശിപ്പിച്ചു. സംഭവ സമയത്ത് വീട്ടില് റസാഖിന്റെ ഉമ്മയും മകളും ഉണ്ടായിരുന്നെങ്കിലും അവര്ക്ക് പൊള്ളലേറ്റിട്ടില്ല.
