ഡല്ഹി : ഗ്യാസ് സിലിണ്ടറിന്റെ സബ്സിഡി തുക വീണ്ടും പുനഃസ്ഥാപിക്കുo, വില 303രൂപവരെ കുറയും. വിലക്കയറ്റം മൂലം പൊതുസമൂഹം ഇന്ന് ബുദ്ധിമുട്ടുകയാണ്. ഗാര്ഹിക ഗ്യാസ് സിലിണ്ടറിന്റെ വില 900 രൂപയില് എത്തി. ഈ വിലക്കയറ്റം അടുക്കളയുടെ ബജറ്റിനെ പൂര്ണ്ണമായും തകര്ത്തു. അതേസമയം കുറച്ചുകാലമായി ജനങ്ങളുടെ ബാങ്ക് അക്കൗണ്ടില് സബ്സിഡി തുക ലഭിക്കുന്നില്ല.
എന്നാല് സബ്സിഡി തുക വീണ്ടും പുനഃസ്ഥാപിക്കാനാണ് കേന്ദ്രസര്ക്കാര് ആലോചിക്കുന്നത്. കേന്ദ്ര സര്ക്കാര് പറയുന്നതനുസരിച്ച് നിലവില് ജാര്ഖണ്ഡ്, വടക്കുകിഴക്കന് സംസ്ഥാനങ്ങള്, ഛത്തീസ്ഗഡ്, മധ്യപ്രദേശ്, ആന്ഡമാന് എന്നിവിടങ്ങളിലെ ആദിവാസി മേഖലകളില് എല്പിജി സബ്സിഡി നല്കുന്നുണ്ട്. ഇത് താമസിയാതെ രാജ്യത്തുടനീളം പുനഃസ്ഥാപിക്കാനാണ് നീക്കം.
എല്പിജി സിലിണ്ടറുകളില് 303 രൂപ വരെ ഇളവ് നല്കുന്ന കാര്യം സര്ക്കാര് പരിഗണിക്കുന്നുണ്ടെന്നാണ് എണ്ണ വിപണന കമ്പിനികള് ഗ്യാസ് ഡീലര്മാര്ക്ക് നല്കിയ സൂചന. ഇപ്പോള് 900 രൂപയ്ക്ക് ലഭിക്കുന്ന ഗാര്ഹിക ഗ്യാസ് സിലിണ്ടര് 587 രൂപക്ക് ലഭിക്കും.
