കോന്നി : കേന്ദ്ര തൊഴിൽ നയങ്ങൾക്കെതിരെ സംയുക്ത ട്രെഡ് യൂണിയന്റെ നേതൃത്വത്തിൽ സംഘടിപ്പിച്ച പൊതു പണിമുടക്ക് കോന്നിയിൽ പൂർണ്ണം. കട കമ്പോളങ്ങളും ധനകാര്യ സ്ഥാപനങ്ങളും പൂർണ്ണമായി അടഞ്ഞു കിടന്നു. വാഹനങ്ങൾ നിറത്തിൽ ഇറങ്ങിയില്ല. പൊതു പണിമുടക്കിനോട് അനുബന്ധിച്ച് കോന്നിയിൽ പ്രകടനവും പൊതു യോഗവും നടന്നു. പൊതു യോഗം സി ഐ റ്റി യു സംസ്ഥാന കമ്മറ്റി അംഗം മലയാലപ്പുഴ മോഹനൻ ഉദ്ഘാടനം ചെയ്തു.
ഐ എൻ ടി യു സി ജില്ലാ സെക്രട്ടറി മോഹൻകുമാർ അധ്യക്ഷത വഹിച്ചു. സി പി ഐ കോന്നി മണ്ഡലം അസിസ്റ്റന്റ് സെക്രട്ടറി കെ രാജേഷ്, എം എസ് ഗോപിനാഥൻ, ജി ബിനുകുമാർ, കെ പി ശിവദാസ്, സന്തോഷ് കെ മാമൻ തുടങ്ങിയവർ സംസാരിച്ചു. ഏനാദിമംഗലം ഗ്രാമ പഞ്ചായത്തിൽ പ്രകടനവും യോഗവും നടത്തി. സംയുക്ത ട്രേഡ് യൂണിയൻ ചെയർമാൻ ഐ എൻ ടി യു സി സംസ്ഥാന സമിതി അംഗം ഹരികുമാർ പൂതങ്കര അധ്യക്ഷത വഹിച്ചു.
സി ഐ ടി യു നേതാക്കളായ സനന്ദൻ ഉണ്ണിത്താൻ, പ്രൊഫ കെ മോഹൻകുമാർ, പഞ്ചായത്ത് പ്രസിഡന്റ് ബി രാജഗോപാലൻ നായർ, ശിവദാസൻ, എ ഐ ടി യു സി നേതാക്കളായ ആർ സുഭാഷ്, മാങ്ങാട് സുരേന്ദ്രൻ, വാമദേവൻ, ഐ എൻ ടി യു സി നേതാക്കളായ ഷാനി ഇളമണ്ണൂർ, സജി റോയ്, ബെന്നി മാരൂർ, ആൾ കേരള സോമിൽ തൊഴിലാളി അസോസിയേഷൻ സംസ്ഥാന ജനറൽ സെക്രട്ടറി സുനിൽ മാരൂർ, എൻ ജി ഓ യൂണിയൻ ജില്ലാ സെക്രട്ടേറിയേറ്റ് അംഗം രവിചന്ദ്രൻ തുടങ്ങിയവർ സംസാരിച്ചു.
