കൊച്ചി : സൗബിന് ഷാഹിറിനെ നായകനാക്കി സിദ്ധാര്ഥ് ഭരതന് സംവിധാനം ചെയ്യുന്ന ജിന്ന് എന്ന ചിത്രം നാളെ മുതല് തിയേറ്ററുകളില്. ഡിസംബര് 30 ന് എത്തുമെന്ന് നേരത്തെ പ്രഖ്യാപിച്ചിരുന്ന ചിത്രം ചില സാങ്കേതിക പ്രശ്നങ്ങള് കാരണം റിലീസ് നീട്ടിയിരുന്നു. ചിത്രം നാളെ എത്തുമെന്ന് അണിയറ പ്രവര്ത്തകര് അറിയിച്ചിട്ടുണ്ട്. ഏറെ പ്രകടന സാധ്യതയുള്ള ഒരു വേഷമാണ് ചിത്രത്തില് സൗബിന് അവതരിപ്പിക്കുന്നത്.
‘വര്ണ്യത്തില് ആശങ്ക’ എന്ന ചിത്രത്തിനു ശേഷം സിദ്ധാര്ഥ് ഭരതന് സംവിധാനം ചെയ്യുന്ന ചിത്രമാണിത്. സമീര് താഹിറിന്റെ ‘കലി’യുടെ രചയിതാവ് രാജേഷ് ഗോപിനാഥനാണ് തിരക്കഥയൊരുക്കിയിരിക്കുന്നത്. ഗിരീഷ് ഗംഗാധരനാണ് ഛായാഗ്രഹണം. സ്ട്രെയ്റ്റ് ലൈന് സിനിമാസിന്റെ ബാനറില് സുധീര് വികെ, മനു, അബ്ദുള് ലത്തീഫ് വടുക്കൂട്ട് എന്നിവര് ചേര്ന്നാണ് നിര്മ്മാണം. സൗബിന് ഷാഹിറിനൊപ്പം ഷറഫുദ്ദീന്, ഷൈന് ടോം ചാക്കോ, സാബുമോന്, ജാഫര് ഇടുക്കി, നിഷാന്ത് സാഗര്, സുധീഷ്, ശാന്തി ബാലചന്ദ്രന്, ലിയോണ ലിഷോയ്, കെപിഎസി ലളിത, ബിന്നി റിങ്കി ബെഞ്ചമിന്, ബേബി ഫിയോണ എന്നിവര് അഭിനയിക്കുന്നു.
പ്രശാന്ത് പിള്ള സംഗീതം പകരുന്ന ചിത്രത്തിന്റെ എഡിറ്റിംഗ് ദീപു ജോസഫ് ആണ്. പാട്ടുകള്ക്ക് വരികള് എഴുതിയിരിക്കുന്നത് സന്തോഷ് വര്മ്മ, അന്വര് അലി. ചീഫ് അസോസിയേറ്റ് ഡയറക്ടര് സുധീഷ് ഗോപിനാഥ്, എക്സിക്യൂട്ടീവ് പ്രൊഡ്യൂസര് ജിംനേഷ് തയ്യില്, കലാസംവിധാനം ഗോകുല് ദാസ്, അഖില്രാജ് ചിറയില്, വസ്ത്രാലങ്കാരം മഷര് ഹംസ, മേക്കപ്പ് ആര് ജി വയനാടന്, സംഘട്ടനം മാഫിയ ശശി, ജോളി ബാസ്റ്റിന്, സൌണ്ട് ഡിസൈന് വിക്കി, കിഷന് (സപ്ത), ഓഡിയോഗ്രഫി എം ആര് രാജാകൃഷ്ണന്, പ്രൊഡക്ഷന് കണ്ട്രോളര് മനോജ് കാരന്തൂര്, അസോസിയേറ്റ് ഡയറക്ടര് സുധീഷ് ഗോപിനാഥന്, സ്റ്റില് ഫോട്ടോഗ്രാഫര് രോഹിത് കെ സുരേഷ്, ടൈറ്റില് ഡിസൈന് ഉണ്ണി സെറോ, പബ്ലിസിറ്റി ഡിസൈന് ഓള്ഡ് മങ്ക്സ്.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
