കുറ്റ്യാടി : ഗോള്‍ഡ് പാലസ് ജ്വല്ലറി നിക്ഷേപ തട്ടിപ്പു കേസില്‍ ഒരു പാര്‍ട്ണര്‍കൂടി പിടിയില്‍. ചെറിയകുമ്പളം ചെമ്പാട്ടുണ്ടി സി.കെ ഹമീദിനെയാണ് (59) കുറ്റ്യാടി പോലീസ് കസ്റ്റഡിയിലെടുത്തത്. കേസില്‍ പ്രതിചേര്‍ക്കപ്പെട്ടതോടെ ഒളിവിലായിരുന്ന ഇയാളെ മഞ്ചേരിയില്‍നിന്നാണ് കസ്റ്റഡിയിലെടുത്തതെന്ന് അറിയുന്നു.
ജ്വല്ലറി രേഖകളില്‍ നാലാം പാര്‍ട്ണറായാണ് ഹമീദി‍െന്‍റ പേരുള്ളത്. നേരത്തെ അറസ്റ്റിലായ ജ്വല്ലറി മാനേജിങ് പാര്‍ട്ണര്‍ കുളങ്ങരത്താഴ വി.പി സമീര്‍, പാര്‍ട്ണര്‍മാരായ കെ.പി ഹമീദ്, എം.ടി മുഹമ്മദ്, വടയം റുംഷാദ് എന്നിവര്‍ റിമാന്‍ഡിലാണ്.
