കൊച്ചി : സംസ്ഥാനത്ത് മൂന്ന് ദിവസത്തിന് ശേഷം സ്വര്ണവില ഉയര്ന്നു. ഗ്രാമിന് 20 രൂപയും പവന് 160 രൂപയുമാണ് വര്ധിച്ചത്. വ്യാഴാഴ്ച ഒരു പവന് സ്വര്ണത്തിന് 36,080 രൂപയും ഗ്രാമിന് 4510 രൂപയുമാണ് നിരക്ക്. കഴിഞ്ഞ മൂന്നു ദിവസമായി ഒരു പവന് 35,920 രൂപയായിരുന്നു സ്വര്ണ വില. ദിവസങ്ങളുടെ ഇടവേളയ്ക്ക് ശേഷം വ്യാഴാഴ്ചയാണ് സ്വര്ണവിലയില് വര്ധന രേഖപ്പെടുത്തിയിരിക്കുന്നത്. അടിയന്തിര ഘട്ടങ്ങളില് എളുപ്പത്തില് പണമാക്കി മാറ്റാനും ക്രയവിക്രയം ചെയ്യാനാകുമെന്നതാണ് ഏവര്ക്കും പ്രിയപ്പെട്ട നിക്ഷേപമായി സ്വര്ണം മാറാനുള്ള പ്രധാന കാരണം. ഇക്കാലങ്ങള്ക്കിടെയുണ്ടായ വിലക്കയറ്റത്തോട് സാധാരണക്കാര് പൊരുതിയത് പ്രധാനമായും സ്വര്ണവിലയെ ആയുധമാക്കിയാണ്. അതിനാല് തന്നെ ഓരോ ദിവസത്തെയും സ്വര്ണവില കൂടുന്നതും കുറയുന്നതും ഉയര്ന്ന പ്രാധാന്യത്തോടെയാണ് ജനം കാണുന്നത്.
