കൊച്ചി: സ്വര്ണ്ണ കടത്തുമായി ബന്ധപ്പെട്ട് മലയാള സിനിമാ ബന്ധങ്ങളുള്ള മലയാളിയെ ദുബായില് അറസ്റ്റ് ചെയ്തുവെന്ന് സൂചന. ക്ലാസ് മേറ്റ് ഫെയിം രാധികയുടെ സഹോദരന് അരുണ് ആനന്ദാണ് പിടിയിലായതെന്നാണ് റിപ്പോര്ട്ട്. തിരുവനന്തപുരം സ്വര്ണ്ണ കടത്തുമായി ഈ അറസ്റ്റിന് ബന്ധമുണ്ടെന്നാണ് യുഎഇയില് നിന്ന് ലഭിക്കുന്ന സൂചന. നടി ജ്യോതി കൃഷ്ണയുടെ ഭര്ത്താവ് കൂടിയാണ് അരുണ്.
കുറേ കാലമായി അരുണ് ദുബായ് കേന്ദ്രമായാണ് പ്രവര്ത്തിക്കുന്നത്. ഈയിടെ അരുണിന് ജോലി നഷ്ടമായിരുന്നു. ഇതിന് ശേഷമാണ് അറസ്റ്റിലാകുന്നത്. ചെക്ക് കേസിലാണ് അറസ്റ്റ് എന്നാണ് ആദ്യം എല്ലാവരും കരുതിയത്.
എന്നാല് അതിന് അപ്പുറത്തേക്കുള്ള മാനങ്ങള് ഈ കേസിനുണ്ടെന്നാണ് സൂചന. ഫൈസല് ഫരീദ് അടക്കമുള്ളവരുമായി അരുണിന് ബന്ധമുണ്ടായിരുന്നു. സ്വര്ണ്ണ കടത്തില് നേരത്തെ പിടിയിലായ ഫയാസുമായും അടുപ്പമുണ്ട്. ഇതാണ് അരുണിന്റെ അറസ്റ്റിന് കാരണമെന്ന വിലയിരുത്തല് സജീവമാണ്. അരുണ് ആനന്ദ് ബര്ജ് ദുബായിലാണുള്ളതെന്നാണ് സൂചന. രഹസ്യ കേന്ദ്രത്തില് യുഎഇ പോലീസ് ചോദ്യം ചെയ്യുകയാണെന്നാണ് വിവരം.
